Burmese Translation of “After Marrying The Male God”.
Translator – ScartletAnemone
-----------
အပိုင်း 50 - မကောင်းဆိုးဝါး
---------
“အဲတာ အရှင်နှင်းနတ်ဘုရားပဲ”
---------
ယုယင်လည်း ကောင်ငယ်လေးကို လက်မောင်းတွေထဲမှာ ပွေ့ပိုက်ထားရင်းနှင့် ရေမျက်နှာပြင်ဆီသို့ ပြန်ကူးခတ်သွားတာ ဘယ်လောက်မှတောင် မကြာလိုက်သေးခင်မှာပဲ၊ သူ့နောက်ကိုလိုက်လာသည့် ကျန်းယန်ကို တွေ့လိုက်ရ၏။
သူ၏သူငယ်အိမ်တို့ အနည်းငယ် ကျုံ့သွားခဲ့ပြီးနောက်၊ သူတခြားတစ်ဖက်သို့ လှည့်လိုက်ပြီးတော့၊ သူ၏ဆံပင်ရှည်တို့ဖြင့် သူ့မျက်နှာကို ကာထားလိုက်၏။
လူသားတွေကို သူ့ရဲ့sirenပုံစံအား မြင်သွားစေလို့မဖြစ်ပေ။
အလျင်စလိုဖြစ်နေတာကြောင့် ယုယင်ခမျာ လူသားပုံစံကိုတောင်မှပဲ ပြန်မပြောင်းရဲခဲ့ပေ။သူ၏လက်မောင်းတွေထဲက ကလေးကို ကျန်းယန်ရှိရာဘက်သို့ ပစ်ပေးလိုက်ပြီးနောက်၊ သူ့ရဲ့အမြီးကို အမြန်ခါယမ်းပြီးတော့ ပြန်ကူးသွားလိုက်၏။
ကလေးက ကျန်းယန်၏မျက်နှာတည့်တည့်ကို ဝင်ဆောင့်လာခဲ့၏။ သူလည်း ကလေးကို အလုအယက် လှမ်းဖမ်းလိုက်ရပြီး၊ နောက်တစ်ကြိမ် ပြန်ငုံ့ကြည့်လိုက်ချိန်မှာ၊ ပင်လယ်နက်ထဲကို ဝင်ရောက်ပျောက်ကွယ်သွားခဲ့သည့် ငါးအမြီးတစ်စုံကိုပဲ သူမြင်ရတော့၏။
ပင်လယ်ရေညှိကဲ့သို့သော ဆံနွယ်ရှည်တွေကိုရောပဲပေါ့။
လူသားတို့၏သာမန်မျက်စိများက ရေအောက်ထဲမှာ မြင်နိုင်စွမ်း အရမ်းကိုနိမ့်ကြပြီး၊ အချိန်အကြာကြီး အသက်ရှုအောင့်ထားမိလျှင် သူ့တို့က အောက်ဆီဂျင်ကို ပြတ်လတ်လာတတ်၏။ သူကသာ တကယ့်သာမန်လူ အစစ်အမှန်သာဆိုလျှင် သူထင်ယောင်ထင်မှား ဖြစ်နေတာလို့ပဲ တွေးမိမှာဖြစ်သည်။
“တကယ်ပါပဲ… ဘာများပုန်းနေစရာ လိုလို့လဲ။ ငါတို့နှစ်ယောက်စလုံးက မိစ္ဆာတွေပဲဟာကို” ကျန်းယန်၏နှုတ်ခမ်းတို့ ကွေးညွတ်သွားခဲ့၏။ သို့သော် sirenပေါက်စလေးကို အပြစ်တင်လို့တော့လည်း မရပေ။ သူ့ရဲ့ကျင့်ကြံဆင့်က အတော်လေးကို မြင့်ပြီးတော့၊ တစ်ဖက်လူက သူလည်းပဲ မိစ္ဆာဆိုတာကို မသိရှာချေ။
ကလေး၏လုံခြုံမှုက ပိုအရေးကြီးတာကြောင့်၊ ယုယင်နောက်ကိုလိုက်သွားမည့် အကြံအစည်ကို ကျန်းယန်လည်း လက်လျော့လိုက်ပြီးတော့၊ ကလေးကို ပွေ့ထားရင်းဖြင့် ရေမျက်နှာပြင်ဆီကို ပြန်ကူးခတ်သွားလိုက်၏။
“ကလေးကဒီမှာ” သူအော်ပြောလိုက်၏။
“ကောင်းလိုက်တာ… ကလေးကို ရှာတွေ့ပြီ”
“Jeffrey… အမေ့ရဲ့Jefferyလေး” ကလေးရဲ့အမေဖြစ်သူက ကလေးကို ပွေ့ချီပြီးတော့၊ ကမ်းစပ်သို့ပြန်သွားကာ CPR ပေးလိုက်သည်။
Jeffreyက သူ့မျက်လုံးတို့ကို စိတ်ရှုပ်ထွေးနေဟန်ဖြင့် ဖွင့်လိုက်သည်။
“အမေ ..”
“သား ရေသူမကိုတွေ့ခဲ့တယ်… ထင်တယ်”
YOU ARE READING
ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]
RomanceStart date - 26.9.2021 Novel name - After marrying the evil god Author - Fu Bai Qu Status in COO - 104+ 12 extra Translation - Ongoing This is just a fan translation. I don't own any of this story , credit all to original author.