Burmese Translation of "After Marrying The Male God".
Translator - Jinnie Grace
(၇) ပထမဆုံးအကြိမ်တွေ့ဆုံခြင်း
_______________သူက လူသားကမ္ဘာရဲ့ ဖြတ်လျှောက်တစ်ယောက်
နံနက်စာကတော့ ရိုးရှင်းကာ အာဟာရပြည့်ဝသည်။ ကြက်ဉကိုဖောက်ပြုတ်ထားသည်များအား ရနံ့မွှေးကာရွှေညိုရောင်သန်းလာသည်အထိ ကြော်ကာ ပေါင်မုန့်မီးကင်အပေါ်တွင် အသည်းပုံစံ ယိုလေးသုတ်ကာ အလှဆင်ထားသည်။ သုံးဆယ်ရာခိုင်နှုန်းသကြားပါသော နွားနို့က ချိုမြမြ။ နှစ်ဉီးသား နံနက်စားပြီးတော့ အချိန်က ရှစ်နာရီရှိပြီ။ ရှစ်နာရီခွဲတွင်ချီပိုင်ချာက ကျောင်းကိုရောက်ရမည်ဖြစ်ပြီး ဖူမင်ယယ်ကတော့ ကိုးနာရီကို ကုမ္မဏီရောက်ရမည်ဖြစ်သည္။ သို့သော် ဉက္ကဌတစ်ယောက်အနေဖြင့် မရောက်လည်းကိစ္စတော့မရှိ။ သူတို့အိမ်က ကျောင်းနှင့်နီးပြီး ကုမ္မဏီနှင့်ဝေးသည်မို့ ထွက်ခွာချိန်ကတော့အတူတူဖြစ်သည်။
"လိုက်ပို့ပေးရမလား?"
ဖူမင်ယယ်က ၀တ်စုံပြည့်ဝတ်ဆင်ထားသည့်အချိန်တွင် လုံးဝကို အဆင့်မြင့်စီးပွားရေးလုပ်ငန်းရှင်တစ်ယောက်ကဲ့သို့ပင်။ ခေါင်းကြီးကြီး နားရွက်ကားကားမဟုတ်ဘဲ တော်ဝင်ဆန်သည့် ပုံစံမျိုး။ ဖူမင်ယယ်၏ မျက်နှာသွင်ပြင်က အနောက်တိုင်းဆန်တာမျိုးမဟုတ်ဘဲ ခမ်းနားသည့်အရှေ့တိုင်းဆန်သည့် ခန့်ညားမှုမျိုးဖြစ်သည်။ သူ၏ နှုတ်ခမ်းသားများက တစ်၀က်ကော့ညွတ်နေကာ ဇာမဏီငှက်ပုံ မျက်လုံးခပ်ကျဉ္းကျဉ္းတွေက အရှိန်အဝါကြီးလွန်းသည့်လူတစ်ယောက်နှယ်။
သို့သော် သူ့ပုံစံက အပြင်မှာသာ ဖိနှိပ်နိုင်သည့်အသွင်မျိုးရှိနေတာ။ အိမ်မှာတော့ သူက ကြောက်ရသူလေး။
"ကျွန်တော်တို့လမ်းမှ မသင့်ဘဲ။"
ချီပိုင်ချာက နွားနို့ကိုကုန်အောင်သောက်လိုက်ပြီး ခွက်ကိုအောက်ချကာ နှုတ်ခမ်းကိုတစ်ရှူးနှင့်သုတ်လိုက်သည်။ကျောင်းကတောင်ဖက်မှာရှိပြီး companyက မြောက်ဖက်မှာမို့ သူတို့အမြဲတစ်လမ်းစီသွားကြရသည်။
ထို့အပြင် ဖူမင်ယယ်၏ ဇိမ်ခံကားကြီးကျောင်းရှေ့ထိုးဆိုက်လာပါက လူတွေအာရုံစိုက်ခံရမှာမလွဲ။ မထင်မရှားသာနေချင်သည့် ချီပိုင်ချာအတွက် အဆင်မပြေပေ။
သူက အိတ်ကိုကောက်ကာ အပြင်သို့ထွက်လိုက်၏။
YOU ARE READING
ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]
RomanceStart date - 26.9.2021 Novel name - After marrying the evil god Author - Fu Bai Qu Status in COO - 104+ 12 extra Translation - Ongoing This is just a fan translation. I don't own any of this story , credit all to original author.