ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]

အပိုင်းလေးဆယ့်ခုနှစ် (ဒုတိယပိုင်း)

အပိုင်း-47(ဒုတိယပိုင်း)

--------

ပင်လယ်နတ်ဘုရားက ပင်လယ်၏သက်ရှိမှန်သမျှကို ကာကွယ်ပေး၏။ ချီပိုင်ချာက နှင်းနတ်ဘုရားဖြစ်ပြီး၊ ပင်လယ်နတ်ဘုရားနှင့် ရေအမျိုးအစားခြင်းတူတာကြောင့်၊ ယုယင်၏လူသားသဏ္ဍာန်ကို ထိန်းသိမ်းထားနိုင်ဖို့အတွက် သူ၏နှင်းရည်ကိုအသုံးပြုပြီးတော့ ကူညီပေးနိုင်ခြင်းပင်။

ဤsiren ပေါက်စလေးက အရမ်းကိုငယ်သေးကာ၊ နှစ်ရာပိုင်းလောက်ပဲ အသက်ကြီးသေးတာဖြစ်ပြီး၊ ထိုအရွယ်က sirenမျိုးနွယ်စု၏ သူတို့၏သားပေါက်လေးတွေကို ရင်အုပ်မကွာ စောင့်ရှောက်ပေးနေကြသည့် အချိန်ဖြစ်၍၊ ကမ်းခြေကို လှိုင်းလုံးတွေနှင့် မျောပါလာဖို့ဆိုတာ မဖြစ်နိုင်ပေ။

ချီပိုင်ချာက ယုယင်၏မူလပုံစံကို တစ်ချက်ကြည့်ရုံနှင့်တင် တန်းသိခဲ့တာဖြစ်သော်လည်း၊ အစတုန်းက သူထိုဟာကို ဂရုမစိုက်ခဲ့ပေ။ သူ့ရဲ့အချိန်ပြည့်အလုပ်က နှင်းနတ်ဘုရားဖြစ်ပြီးတော့၊ အချိန်ပိုင်းအလုပ်က ကမ္ဘာကြီး၏ယိုပေါက်တွေကို ဖာထေးပြီးတော့ ကာကွယ်ပေးရတာဖြစ်သည်။

သက်ရှိတွေအတွက်တော့ အရာအားလုံးက သူ့မျက်လုံးထဲမှာ အတူတူပင်။ Sirenနေနေ မြေခွေးနေနေ၊ ပန်ဒါနေနေ ပုရွက်ဆိတ်နေနေ၊ ဤကမ္ဘာပေါ်မှာရှိသည့် သက်ရှိအားလုံးက လူသားများနှင့် ကွာခြားချက်မရှိပေ။

ဘယ်လိုဖြစ်လို့ တရုတ်လူမျိုး ကလေးငယ်လေး တစ်ယောက်တည်း အမေရိကမှာ ရောက်နေရသလဲဆိုတာကို သူဂရုမစိုက်သလိုပဲ၊ ဘာအကြောင်းကြောင့် sirenသားပေါက်လေးက ကုန်းမြေပေါ်မှာ ရောက်နေရတာလဲဆိုတာကို သူဂရုမစိုက်ပေ။

သို့သော် အခုတော့ အဆိုတော်နောက်ခံsystemဆီကနေပြီးတော့ အနောက်ခြမ်းပင်လယ်ဆီမှာ အက်ကြောင်းရာတွေရှိနေကြောင်းကို သူကြားသိခဲ့ရပြီး၊ အနောက်ခြမ်းပင်လယ်ကလည်း sirenတွေ ကျက်စားရာနေရာ ဖြစ်သည့်အတွက်ကြောင့်၊ ယုယင်၏ကုန်း‌မြေပေါ် ‌ရောက်လာရခြင်းက အာရုံစိုက်စရာ ဖြစ်လာခဲ့ပြီပင်။

ချီပိုင်ချာက အနောက်ခြမ်းပင်လယ်၏ အခြေအနေကို သိရဖို့အတွက် ယုယင်ကို လာရှာခဲ့ခြင်းဖြစ်သည်။

ယုယင်က အားတက်သရောဖြင့် ပြောလာခဲ့၏။ “အရှင်နတ်ဘုရား… ပင်လယ်ရဲ့အောက်ခြေမှာ ချောက်နက်ကြီးပေါ်လာပါတယ်။ ကျွန်တော်မျိုးရဲ့မျိုးနွယ်စုကလူတွေ … ပြီးတော့ တခြားရေနေသတ္တဝါမျိုးစိတ်တွေ အများကြီးလည်း … အက်ကြောင်းထဲကို ဆွဲယူခံလိုက်ကြရပါတယ်။ အဲတာအပြင်ကို ဘယ်တုန်းကမှ မမြင်ခဲ့ဘူးတဲ့ ‌ပင်လယ်နက်ထဲက သတ္တဝါ‌ကြီးတွေလည်း ချောက်နက်ထဲကနေပြီးတော့ ထွက်လာပါတယ်… ပြီးတော့ သူတို့က ကျွန်တော်မျိုးတို့sirenတွေထက်ကို ပိုပြီးတော့ သန်မာကြတယ်… ကျွန်တော့်ကိုကာ‌ကွယ်ပေးဖို့အတွက် … ကျွန်တော်မျိုးရဲ့မိသားစုဝင်တွေက ကျွန်တော်မျိုးကို ကုန်းပေါ်ကို ပို့လိုက်ကြတာပါ…”

ထို့နောက်မှာတော့ သူက ကမ်းခြေမှာ ရေနစ်နေသည့် ဆယ်ကျော်သက်လေးဟု ထင်ခဲ့သော ဒါရိုက်တာစွင်း၏ကယ်တင်ခြင်းကို ခံလိုက်ရတာဖြစ်သည်။

ယုယင်က siren ဘာသာစကားဖြင့် စကားတွေအများကြီးပြောခဲ့ပြီး၊ အခြေအနေကို အကြမ်းဖျင်း ရှင်းပြလာ၏။ တကယ့်အမှန်မှာတော့ သူက လူတွေနဲ့ခပ်ကင်းကင်း နေတတ်တာလည်း မဟုတ်သလို စကားနည်းတာလည်းမဟုတ်ပေ၊ သူက ဒီတိုင်း လူသားတွေ၏နေထိုင်မှုဘဝကို နေသားမကျသေးဘဲ၊ လူသားမျိုးနွယ်၏ ဘာသာစကားနှင့် မကျွမ်းဝင်သေးတာကြောင့်၊ ထစ်ထစ်ငေါ့ငေါ့တွေ အရမ်းဖြစ်နေခဲ့တာဖြစ်သည်။

ချီပိုင်ချာလည်းမေးလိုက်၏။ “ဘယ်လိုမျိုး အမျိုးအမည်မသိရတဲ့ သတ္တဝါ ပေါ်လာလို့လဲ”

“ကျွန်တော်မျိုးမသိဘူး… သူတို့က အများကြီးပဲ ပြီးတော့ အရမ်းလည်း အင်အားကြီးကြတယ်။ အင်အားအကြီးဆုံးကတော့ ရေဘဝဲမကောင်းဆိုးဝါးကြီးပဲ”

ယုယင်က ခေါင်းကိုငုံ့လိုက်၏။ “ငါးတွေအများကြီးနဲ့ပုစွန်ဆိတ်တွေကို တစ်ခါတည်းနဲ့ဝါးမျိုပစ်နိုင်တဲ့ အရမ်းကိုကြီးတဲ့ ရေဘဝဲကြီး… စားခံရတဲ့ထဲမှာ ကျွန်တော်မျိုးရဲ့မျိုးနွယ်တွေလည်း ပါတယ်”

ချီပိုင်ချာလည်း ယုယင်တစ်ယောက် သူ့ရဲ့အဖြေလွှာစာရွက်ပေါ်မှာ ဆွဲခဲ့တဲ့ ‌ကင်းမွန်လေးကို သွားသတိရလိုက်မိသည်။

t/n : ‌ကင်းမွန်က ရေဘဝဲပါပဲနော် (ကင်းမွန်လို့ခေါ်ပေမယ့်လည်းပေါ့)

အဲတာဆိုရင် အဲဒီ့ပုံက ဒီဟာကြီးကို ပြောတာပေါ့။

ရှေးခေတ်အချိန်တုန်းကရှိခဲ့သော နဂါးမျိုးနွယ်စုကလွဲလျှင်၊ sirenမျိုးနွယ်စုက ပင်လယ်နက်ထဲမှာ အားအကောင်းဆုံးဖြစ်နေပြီပင်၊ ဒါပေမယ့် ရုတ်တရက်ကြီး အမျိုးအမည်မသိရတဲ့ အင်အားကြီးမျိုးစိတ်တွေ ပေါ်လာတယ်တဲ့လား။ ထင်ထားတဲ့အတိုင်းပဲ… ဒိုင်မန်းရှင်နယ်ယိုပေါက် ပေါ်လာပြီးတော့… ကမ္ဘာနှစ်ခုကို ဆက်သွယ်လိုက်တာပဲ။

ရေဘဝဲမကောင်းဆိုးဝါးဆိုရင်… တစ်ခြားကမ္ဘာကနေပြီးတော့ ရောက်လာခဲ့တဲ့ Cthulhu အမျိုးအစားများ ဖြစ်နေလောက်မလား။

T/N : Cthulhu က ဝိညာဉ်တွေကို စားသုံးတဲ့ နတ်ဘုရားကဲ့သို့သက်ရှိ၊ ပါးစပ်မှာရေဘဝဲလက်တံတွေနဲ့ သက်ရှိကိုပြောတာပါ

ချီပိုင်ချာလည်း ဤဖြစ်နိုင်ချေမရှိသည့် အတွေးကို ဘေးဖယ်လိုက်၏။