ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]

အပိုင်းသုံးဆယ့်နှစ် (ဒုတိယပိုင်း)

Burmese Translation of "After Marrying The Male God".

Translator – ScartletAnemone
_________

အပိုင်း - ၃၂ ( ဒုတိယပိုင်း)
--------

စစချင်းမှာပဲ သူတို့‌တွေအခက်အခဲနှင့် ကြုံရလိမ့်မည်ဟု လျို့ခိုင်းရှန်တစ်ယောက် မထင်ထားခဲ့မိပေ၊ ထို့ကြောင့် ယုယင်ကို သူအမြန်ဆွဲထူလိုက်သည်။ ယုယင်၏နှာခေါင်းထဲမှာ လူသားအနံ့‌တို့ဖြင့် ပြည့်နေခဲ့၍ သူ့ကိုမူးနောက်‌လာစေခဲ့၍ ပြန်ထဖို့ရာပင် အချိန်အတော်ယူလိုက်ရ၏။

ခြေလှမ်းဘယ်နှစ်လှမ်းမှ မလှမ်းရသေးခင်မှာပဲ သူတို့နောက်တစ်ကြိမ်ထပ်ပြီး လဲကျသွားခဲ့သည်။

လျို့ခိုင်းရှန် : “…” သူ ကူကယ်ရာမဲ့သလိုပင် ခံစားလာရသည်။

သူ စိတ်ထဲမှာ စိုးရိမ်ရင်းဖြင့် ကျန်အုပ်စုများ၏အခြေအနေကို မသိလိုက်မသိဘာသာဖြင့် ကြည့်လိုက်၏။

တစ်ချက်ကြည့်ရုံမျှနှင့်တင် သူ စိတ်လုံးဝအလျင်မလိုတော့ပေ။

ကျန်းယန်နှင့်ချွေ့ဟောင်တို့လည်း ဝေးဝေးမရောက်ကြသေးချေ။

တမင်တကာပဲ ဆန့်ကျင်ဘက်တွေလုပ်နေကြတာလား ဒါမှမဟုတ် အချင်းချင်း သဘောထားတိုက်ဆိုင်မှု မရှိကြလို့ပဲလားမသိရသော်ငြားလည်း၊ ကျန်းယန်က ဘယ်ခြေထောက်ကို လှမ်းတဲ့အခါမှာ ချွေ့ဟောင်ကလည်းပဲ ဘယ်ခြေထောက်ဖြင့် ရှေ့ကိုတစ်လှမ်းတိုးခဲ့သည်။ သို့သော်
ချွေ့ဟောင်၏ဘယ်ခြေထောက်နှင့် ကျန်းယန်၏ညာခြေထောက်က အတူတူ တွဲချည်ခံထားရတာဖြစ်သည်။ ထိုပုံစံမျိုးနှင့်လမ်းလျှောက်လို့ရနေမှသာ ထူးဆန်းမှာဖြစ်သည်။

သူတို့အတွဲပစ်လဲပြီးတော့ လုံးထွေးသွားခဲ့ကြသည်။

ပိုဆိုးတာက သူတို့က တစ်ယောက်ကိုတစ်ယောက် ကူညီဖေးမပေးချင်တဲ့စိတ်မရှိပေ။ သူတို့က တစ်ဖက်လူကို နောက်ကောက်ကျအောင် ဆွဲချရမှာ ကျွမ်းကျင်အဆင့်ဖြစ်ပြီး လူသားတို့၏ဥပေက္ခာပြုသည့်စရိုက်ကို ဖော်ကျူးနေခဲ့ကြသည်။

ဂိမ်းစပြီးတော့ တစ်မိနစ်ကြာသွားပြီးနောက်မှာတောင်မှပဲ အုပ်စုနှစ်စုစလုံးက စမှတ်ကနေပြီးတော့ ဝေးဝေးမရောက်ကြသေးပေ။ ဘာတိုးတက်မှုမှလည်းမရှိဘဲ အချိန်အတော်ကြာသည့်တိုင်အောင် လဲနေရာကနေ ပြန်မထနိုင်ဘဲ ဖြစ်နေခဲ့ကြသည်။