Burmese Translation of "After Marrying The Male God".
Translator - ဂွေ့
(၁၉) လက်စွပ်
_____________________
"ငါတို့က အရမ်းဆင်းရဲတာ"
_____
ချီပိုင်ချာတစ်ခဏလောက်တော့ ဘာမှမတုန့်ပြန်ပေ။ ဖူမင်ယယ်က တကယ်ကြီးလူမဟုတ်မှန်း သူမျှော်လင့်မထားခဲ့ပေ။
သူ မသိလိုက်ဘဲမေးမိသွားသည်။
"ဘာကိုလုပ်မှာလဲ?"
ဖူမင်ယယ်က ပြန်ဖြေ၏။
"မင်းကို"
ချီပိုင်ချာမျက်လုံးတွေပြူးသွားသည်။
"ကျွန်တော့်ကို?"
"ဟုတ်တယ်"
ဖူမင်ယယ်က သူ့ကိုအေးစက်စွာကြည့်လိုက်သည်။
"ကိုယ်ကြည့်ရတာတော့ မင်းက ဆေးလိမ်းတာရော အစားရှောင်တာရောကို စိတ်ဝင်စားတဲ့ပုံမပေါ်ဘူး။ မင်းကြည့်ရတာ အဆင်ပြေနေတဲ့ပုံပါပဲ။ အဲ့ဒါကို အခုမှကြောက်ရကောင်းမှန်းသိတာလား? လှဲလိုက်"
နောက်ဆုံးကနှစ်လုံးက အမိန့်ပေးသည့်လေသံနှင့်ဖြစ်ကာ သူက ပြောရင်းဆိုရင်း ချီပိုင်ချာဆီသွားကာ ညအိပ်ဝတ်စုံကို ဆွဲချလိုက်သည်။
ချီပိုင်ချာက ချက်ချင်းပဲ ဘေးသို့လှိမ့်လိုက်ကာ စောင်ကို ခေါင်းမြီးခြုံလိုက်၏။
"ကျွန်တော် အိပ်တော့မှာ"
ဖူမင်ယယ်က စောင်ကိုလှန်ချင်သော်လည်း ချီပိုင်ချာက အသေဆုပ်ထားကာ လွှတ်မပေးပေ။
"ချီပိုင်ချာ!"
ဖူမင်ယယ်က အသံနက်နက်ဖြင့်ခေါ်လိုက်သည်။
"ဘာလို့ပုန်းနေတာလဲ?"
ချီပိုင်ချာက မလှုပ်ပေ။
ဖူမင်ယယ်က လေသံကိုလျှော့ကာ ချော့ရပြန်သည်။
"ကိုယ်က မင်းကိုခြောက်နေတာပါ။ ဘယ်လိုလုပ်ပြီး မင်းရဲ့ကျန်းမာရေးကို ဂရုမစိုက်ဘဲနေမလဲ? ခုနကဆေးလိမ်းလိုက်ရင် ပိုကောင်းသွားမှာပါဆို။ အဲလိုမလုပ်ပါနဲ့။ မင်းအဆင်မပြေရင် ကိုယ်လည်းမပြေဘူး"
"နာတာရှည်နာတာက ခဏနာတာထက်ပိုဆိုးတယ်။ ကိုယ်မင်းကိုမရယ်ဘူးလု့ိကတိပေးတယ်"
"ချာချာရာ စကားနားထောင်စမ်းပါကွာ"
ဖူမင်ယယ်ဘယ်လိုပဲချော့ချော့ လူရွယ်ကတော့ပုန်းမြဲပုန်းဆဲဖြစ်ကာ အသံတောင်မထွက်။
YOU ARE READING
ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]
RomanceStart date - 26.9.2021 Novel name - After marrying the evil god Author - Fu Bai Qu Status in COO - 104+ 12 extra Translation - Ongoing This is just a fan translation. I don't own any of this story , credit all to original author.
![ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]](https://img.wattpad.com/cover/286365161-64-k322475.jpg)