ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]

အပိုင်းသုံးဆယ့်ကိုး(ဒုတိယပိုင်း)

(၃၉) ကောင်းသောည (ဒုတိယပိုင်း)
Burmese Translation of “After Marrying The Male God”.

မုန့်ရှင်းတစ်ယောက်အဆောင်မှထွက်ရန်အထုပ်ပြင်နေသည်။

တကယ်တော့ သူ့တွင်သိမ်းစရာများများစားစားမရှိ။ အားလုံးပေါင်းမှ အ၀တ်အနည်းငယ်နှင့် တစ်ကိုယ်ရည်သုံးပစ္စည်းများသာဖြစ်ပြီး အိတ်တောင်မပြည့်။

သူ့အတွက် အဖိုးအတန်ဆုံးမှာ မဟော်ဂနီရောင် စန္ဒယားကြီးသာဖြစ်သည်။ ထိုအရာက အရင် စန္ဒယားတီးပြိုင်ပွဲတွင်ဆုရခဲ့ခြင်းကြောင့်ရခဲ့သော အရာဖြစ်သည်။ ထိုစန္ဒယားကို ဘယ်လိုသယ်ရမယ် သူမ မသိ။

သူ ခရီးဆောင်အိတ်ပေါ်ထိုင်နေရင်း စိုးရိမ်နေမိသည်။

“မုန့်ရှင်း မုန့်ရှင်း”
ထိုအခီန်တံခါးမှ ကောင်လေးတစ်ယောက်က သူ့အားလာနှုတ်ဆက်၏။

မုန့်ရှင်းခေါင်းကိုမော့ကြည့်လိုက်သည်။ တစ်ဖက်လူဘာလုပ်ချင်မှန်း သူမသိ။

ကျောင်းကလူတွေက သူ့ကိုစကားပြောခဲသည်။ သူကလည်း တခြားလူတွေနှင့် မဆက်ဆံချင်။

ကောင်လေးကပြော၏။
“ကျောင်းအုပ်ရုံးခန်းကိုသွားလိုက်ဉီး။ ကျောင်းအုပ်ကြီးစောင့်နေတယ်”

ကျောင်းအုပ်က သူ့ကို ဘာလို့ထပ်ပြီးရှာတာပါလိမ့်။

မုန့်ရှင်းရပ်ကာ တံခါးဆီသို့သွားလိုက်သည်။ သူ ကောင်လေးကိုကျော်ဖြတ်သွားတော့ ကောင်လေးက ခပ်တိုးတိုးပြော၏။
“ငါ တောင်းပန်ပါတယ်”

မုန့်ရှင်းကြောင်သွားသည်။

ဘာကိုတောင်းပန်တာလဲ?

သူ ထိုအကြောင်းကို ပိုမတွေးရသေးခင်မှာပင် အဆောင်၏ ပထမထပ်တွင် ဘတ်စကတ်ဘောဆော့ပြီး ပြေးဝင်လာကြသော ကောင်လေးတစ်သိုက်နှင့် ဆုံ၏။

သူတို့က သူ့အခန်းဖော်တွေဖြစ်သည်။ သို့သော် သူတို့ လမ်းတွေက မဆုံစည်းကြသည်မု့ိ ဒီအတိုင်းတစ်မိုးအောက်တွင်အတူတူနေကြသော သူစိမ်းတရံမျှသာ။

သူက တခြားလူတွေကို စကားစပြောရာတွင် မကျွမ်းကျင်။၊တခြားလူတွေကလည်းသူ့ကိုမာနကြီးသည်ထင်ကြသည်မို့ မျက်လုံးချင်းတောင်မဆုံကြ။