Burmese Translation of “After Marrying The Male God”.
Translator – ScartletAnemone
-----------
အပိုင်း 48- လုပ်ငန်းဆောင်တာ
------------
“အခု လုပ်ငန်းစကြတာပေါ့”
------------
အနောက်ခြမ်းပင်လယ်က ကမ္ဘာအနှံ့ကျော်ကြားသော ခရီးသွားတွေကို ဆွဲဆောင်နိုင်သည့် နေရာဖြစ်ပြီး၊ ကမ္ဘာအရပ်ရပ်ရှိ ခရီးသွားများက ထိုနေရာဆီကို နေ့စဉ်လိုလို လာရောက်လည်ပတ်ကြ၏။
ဖူမင်ယယ်က အလုပ်နှင့်သက်သေပြသည့်သူပင်။ ချီပိုင်ချာက အနောက်ခြမ်းပင်လယ်ဆီကို ခရီးထွက်ချင်သည်ဟု ပြောပြီးပြီးချင်းမှာပဲ၊ သူက စီစဉ်စရာရှိတာတွေကို စီစဉ်ဖို့ရာအတွက် ဖုန်းခေါ်လိုက်၏။
ဖူမင်ယယ်မှာ ကိုယ်ရေးလက်ထောက် ရှိသော်ငြားလည်း ပုံမှန်ဆိုလျှင် သူ့ကိုသုံးလေ့မရှိတာကြောင့်၊ လက်ထောက်ခမျာ အလှပြထားခံရသလိုပဲ ဖြစ်နေခဲ့၏။ ဖူမင်ယယ်ဆီကနေပြီးတော့ တစ်ကြိမ်တစ်ခါမျှသော ဖုန်းခေါ်ဆိုမှုကို လက်ခံရပြီးသည့်နောက်မှာ၊ သူ့ရဲ့လက်ထောက်ဖြစ်သူက စိတ်လှုပ်ရှားလွန်းအားကြီး၍ စကားတွေတောင်မှ ထစ်နေခဲ့ရှာသည်။ “ဥက္ကဌဖူ… ကျွန်တော့်ကို ဘာများခိုင်းစရာရှိလို့ပါလဲ”
ကောင်းလိုက်တာ… နောက်ဆုံးတော့ သူအသုံးဝင်လာခဲ့ပြီ။ အခုလို အလုပ်လည်းမလုပ်ရဘဲနှင့် လစာရနေသောဘဝက မိုက်သော်ငြားလည်း၊ ထိုဟာက အမြဲလိုလိုပင် သူ့ခမျာ တည်ရှိမှုမရှိတဲ့သူကဲ့သို့ ခံစားစေရပြီး၊ တစ်နေ့နေ့မှာ သူ့ကိုအလုပ်ဖြုတ်လိုက်လေမလားဆိုပြီးတော့ စိုးရိမ်စေ၏။
ဖူမင်ယယ်က ပြောလိုက်၏။ “အနောက်ခြမ်းပင်လယ်ကို သွားဖို့အတွက် လေယာဉ်ပြင်ဆင်ထားလိုက်”
“နားလည်ပါပြီ” ကိုယ်ရေးလက်ထောက်လည်း လက်မှတ်တွေကို လိုင်းပေါ်ကနေပြီးတော့ အမြန်ရှာလိုက်၏။ “ဒီနေ့နေလည်ခင်းအတွက် ပထမတန်းလက်မှတ်ကို ဘိုကင်လုပ်ချင်ပါသလား ဒါမှမဟုတ် မနက်ဖြန်မနက်ဟာကို ဘိုကင်လုပ်ချင်ပါသလား… ဥက္ကဌခင်ဗျ”
“ပထမတန်းက ဘာကိုပြောတာလဲ”
ကိုယ်ရေးလက်ထောက်လည်း ကြောင်အမ်းသွားခဲ့၏။ “စီးပွားရေးတန်းထိုင်ခုံထက် နည်းနည်းပိုပြီးတော့ ကောင်းတဲ့ဟာပါ”
မဟုတ်နိုင်လောက်ပါဘူးနော်… မစ္စတာဖူက စီးပွားရေးတန်းထိုင်ခုံကိုများ ထိုင်ဖူးကြည့်ချင်နေတာများလား။ သူက တကယ်ကိုပဲ သာမန်လူတွေနဲ့ နီးနီးကပ်ကပ် နေထိုင်ပြီးတော့ ချဉ်းကပ်ရလည်းလွယ်ကူ…
ဖူမင်ယယ်နောက်ထပ်ပြောလာသည့် စကားကတော့ “ကိုယ်ပိုင်ဂျက်လေယာဉ်ကို အခုချက်ချင်း စီစဉ်လိုက်”
ထို့နောက် သူဖုန်းချလိုက်၏။
ကိုယ်ရေးလက်ထောက် “…”
ငါမေ့သွားတော့မလို့… တရုတ်ပြည်ရဲ့ အချမ်းသာဆုံးယောင်္ကျားက လေယာဉ်လက်မှတ်ကို ဘိုကင်တင်နေစရာကို မလိုဘူးလေ… သူ့မှာ ကိုယ်ပိုင်ဂျက်လေယာဉ်တွေ အများကြီးရှိတဲ့ဥစ္စာ။
ချီပိုင်ချာက သူဖုန်းချလိုက်တာကို ကြည့်ရင်းဖြင့် အံ့ဩတကြီး ပြောလိုက်၏။ “အရမ်းမြန်လိုက်တာ”
“မင်းသွားချင်နေတယ် မဟုတ်ဘူးလား။ အခုချိန်ထက်ပိုပြီးတော့ကောင်းတဲ့ အချိန်ဆိုတာမရှိဘူး… ကိုယ်တို့ ဒီနေ့ပဲသွားကြမယ်”
ဖူမင်ယယ်က ဆိုလိုက်သည်။
“ကျွန်တော့်ရဲ့ခရီးဆောင်အိတ်ကိုတောင် မထုပ်ပိုးရသေးဘူးလေ။ ပြင်ဆင်စရာတွေ အများကြီးရှိသေးတယ်”
အနောက်ခြမ်းပင်လယ်ကို ခရီးထွက်ဖို့ရာအတွက် သွားတာမဟုတ်သော်လည်း၊ အမြင်မှာတော့ ထိုသို့ဖြစ်နေဖို့ရာအတွက် သူနည်းနည်းပါးပါးတော့ ယူခဲ့ရဦးမှာပင်။
“လိုနေတာတစ်ခုခုရှိရင်လည်… အဲရောက်မှသာ ဝယ်လိုက်တော့။ ပစ္စည်းပစ္စယတွေကို ဟိုသယ်လိုက် ဒီသယ်လိုက် လုပ်နေရတာ… အဆင်မပြေဘူး”
YOU ARE READING
ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]
RomanceStart date - 26.9.2021 Novel name - After marrying the evil god Author - Fu Bai Qu Status in COO - 104+ 12 extra Translation - Ongoing This is just a fan translation. I don't own any of this story , credit all to original author.