ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]

အပိုင်းလေးဆယ့်တစ်(ဒုတိယပိုင်း)

Burmese Translation of “After Marrying The Male God”.

Translator – ScartletAnemone & Grace
--------------

လျိုယန်ရှင်းနှင့်ဖန်းယာအာနှစ်ဉီးသား ကားပေါ်သို့တက်လိုက်ပြီး ဆရာကိုသွားရှာရန်ပြင်လိုက်ကြသည်။

ချီပိုင်ချာလည်းသူတို့နောက်ကလိုက်ကာ ကြည့်လေ၏။

ဒီလိုကိစ္စမျိုးဖြစ်လာလျှင် လျစ်လျူရှု၍မရဟု သူတွေးထားသည်။ ဤကမ္ဘာတွင် အလကားရသော နေ့လည်စာဟူသည်မရှိ။ ယနေ့ခေတ်တွင် ဆုတောင်းသူများ၏ ဆန္ဒများကို တရားဝင်နားထောင်ပေးသည့် ဆိုးယုတ်ခြင်းနတ်ဘုရားမှလွဲ၍ ကျန်သည့် ဆုတောင်းဖြည့်ပေးသည့် လူများသည် ချီပိုင်ချာကို မကောင်းသည့် ဝိဉာဉ္ဖမ်းသူများအနေနှင့်သာ တွေးစေခဲ့သည်။

ဆိုးယုတ်ခြင်းနတ်ဘုရားတောင် တချို့သော မကောင်းသည့်ဆန္ဒများကို ဖြည့်ပေးသည့်အခါ ချီပိုင်ချာစိတ်ထဲတွင်မနှစ်မြို့ချင်။ သူက တရားမျှတမှုနှင့် ဉပဒေကို လက်ကိုင်ထားသူမို့ ဆိုးယုတ်ခြင်းနတ်ဘုရားနှင့် လုံးလုံးလျားလျားဆန့်ကျင်နေသည်။

သို့သော် ဆိုးယုတ်ခြင်းနတ်ဘုရားအတွက်တော့ မကောင်းသည့်အတွေးများကိုနားထောင်ရခြင်းသည် သူ၏ တာဝန်ပင်ဖြစ်သည်။ ချီပိုင်ချာအနေနှင့် သူ့အလုပ်ကို ဝင်စွက်ဖက်ခွင့်မရှိသလို သူ့တာ၀န်ဟုပင် ယူဆ၍မရ။မကြိုက်တာကို တိတ်တဆိတ်သာ တွေးနိုင်သည်။

လျိုယန်ရှင်းကအရှေ့ကရောင်းပြီး ချီပိုင်ချာက နောက်ကလိုက်သည်။

လျို့ယန်ရှင်းက ခပ်ဝေးဝေးမောင်းလာလေလေ ပတ်၀န်းကျင်ကိုကြည့်ကာလိုက်လာသည့် ဖန်းယာအာတစ်ယောက် တုန့်ဆိုင်းလာလေလေ။ “ရှင်းကျဲ ဒီနေရာဆိုတာ သေချာလား?”

“ငါလည်းတစ်ခါမှမရောက်ဖူးတော့မသိဘူး။ ဒါပေမယ့် လိပ်စာကတော့ ဒီဖက်လို့ကြားတာပဲ”

လျို့ယန်ရှင်းက စတီယာရင်ကိုလှည့်ရင်းကြည့်လိုက်သည်။
“ဒီလိုဆရာတွေက တိတ်တိတ်ဆိတ်ဆိတ်နေရတာကိုကြိုက်ကြတယ်။ အို့ ဟိုမှာအိမ်ရှိတာပဲ။ ငါတို့ရောက်ပြီ”

သူမက ကားကိုလမ်းတစ်ဖက်တွင်ရပ်ခဲ့ပြီး ဖနးယာအာနှင့်အတူ ကားထဲမှထွက်ကာ သူမရှေ့က ခြံဝန်းကြီးကိုကြည့်လိုက်သည်။

လျို့ယန်ရှင်းက ခဏမျှကြည့်ပြီးနောက်
“ဘာလို့ဒီအိမ်က နည်းနည်းရင်းနှီးတယ်လို့ခံစားနေရတာလဲ?”

ဖန်းယာအာက ပိုလို့တောင် အံ့သြနေသည်။
“ဒါက ချန်ရှီမြောင် ညတိုင်းသွားနေတဲ့နေရာမလား? အဲ့တစ်ခေါက်က ဓာတ်ပုံတောင်အရိုက်ခံလိုက်ရသေးတယ်လေ။ အွန်လိုင်းပေါ်မှာ တွေ့လိုက်တယ်”

သူမတို့ ၀ိဉာဉ္ချင်းလဲလိုက်ပြီးကတည်းက သူမခန္ဓာကိုယ်ကို ပို၍အာရုံစိုက်ထားခဲ့သည်။ သူမ၏ လက်ရှိအခြေအနေအရ ရင်းနှီးသည့် နာမည်ကြီးသူငယ်ချင်းမရှိတော့သည်မို့ သတင်းတွေဆီကသာ သိနေရသည်။ လွန်ခဲ့သည့်ရက်အနည်းငယ်လောက်က ဖန်းယာအာ ညကြီးအချိန်မတော် အိမ်တော်တစ်ခုမှထွက်လာ၊ သကြားဖေဖေနှင့်သွားတွေ့သည်ဟု ယူဆရ ယူသော သတင်းမျိုး မီဒီယာတွေကဖြန့်ခဲ့ကြသည်။ ဓာတ်ပုံတွေလည်းဖော်ပြထား၏။

လွန်ခဲ့သောရက်အနည်းငယ်တုန်းက မီဒီယာကနေပြီးတော့ သကြားဖေဖေနှင့် လျို့ဝှက်ချိန်းတွေ့နေသည်ဟု သံသဃရှိရသော “ဖန်းယာအာ”ဆိုပြီးတော့ တင်ခဲ့၏။ ဓာတ်ပုံတွေထဲကတစ်ပုံက ဤနေရာမှာ ရိုက်ထားခဲ့တာပင်။

“ငါဘယ်လောက်ပဲမေးမေး သူမပြောပြတာ မဆန်းတော့ပါဘူး… နင်က ကိုယ့်ကိုကိုယုံကြည်မှုမရှိတဲ့သူ လုံးဝမဟုတ်ဘူးလို့ ငါယုံတယ်။ ဟိုးအရင်တုန်းက… နင်အရံသရုပ်ဆောင်အဖြစ်နဲ့ ဆယ်နှစ်ကြာသရုပ်ဆောင်ခဲ့ရတာတောင်မှပဲ … ထုတ်ပြောလို့မဖြစ်တဲ့ စည်းမျဉ်းတွေနဲ့ တစ်ခါမှ မငြိစွန်းဖူးဘူး။ နင်ကဘယ်လိုလုပ်ပြီးတော့ ညအချိန်မတော်ကြီးမှာ သကြားဖေဖေနဲ့ လျို့ဝှက်ပြီးတော့တွေ့တာ ဖြစ်နိုင်မှာလဲ… လတ်စသတ်တော့ အဲဒီ့အကျင့်မကောင်းတဲ့ကောင်မက ဆရာနဲ့ အရင်ကတည်းက တွေ့နှင့်ပြီးသားကိုး” လျို့ယန်ရှင်းလည်း မှန်းဆလိုက်သည် “နင်ဒီလိုမျိုးဖြစ်သွားရတာ ရှန်ချီမြောင်က အဲ့ဆရာကို တောင်းပန်ခယလိုက်လို့လို့ ငါတော့ထင်တယ်။ နင့်ရဲ့ခန္ဓာကိုယ်ကိုလည်း ယူပြီးတော့ သိက္ခာလည်းကျအောင် လုပ်သေးတယ်.. တောက်… ငါတော့ ဒေါသထွက်လို့ သေတော့မှာပဲ” 

ဖန်းယာအာက နည်းနည်းကြောက်နေမိသည်။ “အဲလိုသာဆိုရင်… ဒီထဲမှာရှိနေတဲ့သူက ညီမရဲ့ခန္ဓာကိုယ်ကို ချန်ရှီမြောင်နဲ့ လဲပစ်ခဲ့တဲ့ တရားခံဖြစ်နိုင်တယ်။ ဒါဆိုရင်… ဒါဆိုရင် ညီမတို့ အထဲဝင်ပြီးတော့ သူ့ကိုရှာသင့်ရဲ့လား”

ဒါက ကျားရဲ့သားရဲတွင်းထဲကို ဝင်သွားမိတဲ့ သိုးကလေးလို ထောင်ချောက်ထဲကို ဝင်သွားမိရက်သား ဖြစ်မနေလောက်ဘူးလား။

“သွားရမှာပေါ့… ငါတို့က ဘာလို့မသွားရမှာလဲ။ ခေါင်းလောင်းကို ဖြည့်ဖို့အတွက် … ချည်တဲ့သူကို သေချာပေါက် ရှာရမှာပေါ့။ အခု နင့်ကို သေချာပေါက် ကယ်တင်ပေးလို့ရတော့မယ်” လျို့ယန်ရှင်းက ဘာအတွန့်တက်တာမှ မခံဘဲ၊ သူမကိုဆွဲခေါ်ကာ လျှောက်သွားလိုက်၏။ “ချန်ရှီမြောင် သူ့ကိုပေးနိုင်ခဲ့တဲ့ဟာကို… ငါတို့ကလည်း မပေးနိုင်စရာလား”

အခုလိုမျိုးကျယ်ဝန်းလှသည့် စံအိမ်ကြီးထဲမှာ ဂိတ်စောင့်တောင်မှ မရှိပေ။ တံခါးက သော့မချိတ်ထားခဲ့၍ အသာလေးတွန်းရုံနှင့်တင်ကို ဖွင့်လို့ရသွားခဲ့သည်။

လျို့ယန်ရှင်နှင့်ဖန်းယာအာတို့က အနုပညာလောက၏ကြွယ်ဝမှုတွေကို တွေ့မြင်ရတာ ရိုးနေခဲ့ပြီဖြစ်သော်ငြားလည်း၊ ဤခမ်းနားထည်ဝါသော စံအိမ်ကြီး၏ ကြီးကျယ်မှုမှာ အံ့ဩတကြီး ဖြစ်နေရဆဲပင်။ လာခဲ့တဲ့လမ်းမှာတုန်းက တောင်ပေါ်မှာ သီးသန်းနေနိုင်သော ကြီးမြတ်သည့် ဆရာသခင်က ရိုးရှင်းသော ဝါးတဲလေးမှာ နေထိုင်ပြီးတော့ မြင့်မြတ်သော အရောင်အဝါတွေနှင့် သူတော်စင်ကဲ့သို့သော မုတ်ဆိတ်ဖြူဖြူ အဖိုးအိုတစ်ယောက်ဖြစ်လောက်သည်ဟု တွေးထင်ခဲ့ကြသည်။

အခုတော့ ထိုကြီးမြတ်တဲ့ဆရာက ဘယ်လိုဇိမ်ခံရမလဲဆိုတာကို ကောင်းကောင်းကြီးသိသည့်ပုံပင်။

စံအိမ်ကြီးက အပြင်ပန်းသဏ္ဍာန်က အနောက်တိုင်းဆန်ပြီးတော့ အတွင်းပိုင်း အပြင်အဆင်တို့က အလယ်ခေတ် ဥရောပစတိုင်နန်းတော်ကြီးနှင့် အတော်လေး ဆင်တူနေခဲ့သည်။

အချိန်ခါက သေချာပေါက်ကို နွေရာသီဖြစ်ပြီး၊ အခန်းထဲရှိ မီးလင်းဖိုမှာ မီးမွှေးထားခဲ့သော်ငြားလည်း၊ သူတို့ နွေးထွေးမှုကို တစ်စက်လေးမျှတောင် မခံစားရပေ။