الغرام الفاسد🖤مكتملة🖤

🖤الجزء 2🖤

🖤🥂 الــغـرام الـفـاســد 🥂🖤
   فكرة وإشراف : ندى علامي
   بقلم : شيماء عمراوي
    الجزء 2

  سمعو كلامها بلا تردد وتبعوها وهوما فحصرة على هادشي لي راهم فيه.. وصلو للبيت .. كان فنفس الميتم غير هو بعيد على الداخلية لي كانو فيها قبل .. كان واجد بگاع داكشي لي غايحتاجو سرير جديد مع خدية ولحاف خفيف..
      تقدمات عندهم سعيدة وهي كتشوف فكل وحدة.. كاطلعها وتهبطها وتشوف شنو خاصها من تجهيزات وهما ساكتين وكيشوفو فبعضياتهم وكل مرة نعمة تزير على يد أميمة باش تهضر .. حتى نطقات أميمة وهي كتنفس حتى كيتعلى صدرها ويرجع يهبط كتحاول تجمع جملة مفيدة ففمها من كثرت الخلعة لي راكباها..
أميمة : ختي سعيدة (سكتات شويا وكملات ) الله يخليك نتي عارفة حالتي مايمكنش نمشي لشي بلاصة مافيهاش ختي عفاك دوي معاه وخليني هنا معاها راه غير أنا لي عندها الله يرحم الواليدين أختي  ..
   شافت فيها وهي مخنزة دوزات ليها ديال قبيلة فاش كان سيد واخا عيات ماترصي فيهم ..  ولكن دابا كاينة غير هي .. جراتها من شعرها خلاتها طايحة عند رجليها
سعيدة : شفتك تسرح ليك لسان كياكلوك عظامك واقيلة وليتي تزايدي فلهضرة مع سيادك
أميمة : (نزلات دمعة على خدها مسحاتها بلخف قبل ماتشوفها) لا لا حاشا ولكن ديري راسك فبلاصتي ماتبغيش لراسك هاد الحالة حتى نتي غيكونوا عندك خوتك وأنا ختي ماكتشوفش راسها بلا بيا أنا لي كبرتها كتشوف فيا مها وباها هي بلا بيا ماتقدرش تعيش هنا راها مولفاني .. (هبطو دموعها وهاد المرة بلا هواها)

نطقات وحدة فلبنات فودن الأخرى..
... : كاتشوف غير راسها أش كيحساب ليها حنا باغيين هادشي داكشي علاش ساكتين ..
...: الله يهديك هاد الزمان كل واحد كيشوف راسو هضري حتى نتيا وشوفي حل لراسك .. هادشي إلى لقيتيه (قلبات وجها كتشوف فيهم)

   هزات سعيدة رجليها حتى لسما ونزلات على فخض أميمة وبقات تمعس فيها وتخشي قمقوم صباطها خلات أميمة تغوت من لألم .. نزلات عندها نعمة تطمئن عليها وقلبها كيتقطع على صاحبتها..
سعيدة : وليتي تقارنيني معاك أسايبة .. ماتشوفينش ساكتة وتقولي نحلى ليك والله كون ما كان الغرض بيك حتى ندفنك حية ومايجيب حد خبارك..
نعمة : الله يخليك أختي سعيدة رااه ختها لي بقات ليها شوفي من حالها رااه ماشي لخاطرها..
سعيدة :  ختها غاتبقى هنا فلحفظ وصون راكي كاتشوفي التعامل ديالنا مع لبنات لي قل من 18 لعام، إذا قولي ليها تسوخر للور وطيح كواريها راه غادي تجيبها غير فراسها ..

   وقفاات نعمة أميمة من الأرض ورجعو اللور حدا لبنات وأميمة عافطة على قلبها بيديها لي كيتعصر مابغى يرتاح .. عينيها ماحبسوش من دموع.. داك البريق لي فيهم تغطى بكثرت لحمورية لي حمارو وهي كاتشوف هاد الزهر لي عاطيها بظهرو وحياتها لي مامقاداش من كل جهة .... تكمشات فبلاصتها كيف لبنات وعلات عينيه لشرجم لي كان مبين سما ونجومها وهي كاتخمم فنور حياتها لي كايطفى... إلى كسدتها ماماتتش اليوم فروحها صلات عليها من دابا وودعاتها ... بقى غير الخراب ودمار وسطها ..💔

#يــتــبع
شنو بان ليكم فهاد البداية ، بغييت نشوف تفاعلكم و تعالقكم و أرئكم حمسوني شويا 🔥🔥