الغرام الفاسد
42
غادي فالطريق مكسيري غادي فاتجاه الكلينيك الطريق كلها و هو كيفكر فكلام باه عارف باه علاش قاد و عارف بلي هذا عقاب ليه هو ماشي لخوه...
هو سبابو باش ولا هاكا مفشش مكنش باغيه يتحرم من طفولتو و مراهقتو و شبابو كيف تحرم هو فصغرو....
بسباب خدمة باه و التصلط ديالو كان ديما قامعو معمرو لعب كي لوليدات الصغار معمرو حسسو بحنان الأبوة كان غير يجي من المدراسة ياكل و يجيو الأساتذة ديال اللغات اساتذة ديال الرياضيات كان معمر ليه وقتو بالقراية....
فاش كبر و لا مراهق كانو الدراري يمشيو الرحلات يسهرو و يخرجو للسينيمات هو كان الشيفور كيجي وراه حتى لباب المدارسة...كانو صحابو هوما الكتوبة و فاش كتكون العطلة كيمشي للشركة ديال باه ....
فاش تزاد يوسف هو واعد باه بلي معمرو غادي يعصيه و هو لي غادي يكون خليفتو ولكن بشرط يوسف يكون تحت جناحو هو ... هو لي قوم بتربيتو...
كيقول المثل فاقد الشيئ لا يعطيه ولكن حيدر اثبت بلي الإنسان لي كيكون فاقد شيحاجة كيعطي الضوبل ديالها و هاذشي لي صرا ليه معا خووه عطاه حنان العالم ديما كان جبنو مخليه على خاطرو يدير لي بغا ويعيش حياتو طول و عرض...
الحاج ديما كان كيقول ليه غادي يجي النهار يدير فيها ي كارثة و هنا لي غادي تتحمل المسؤولية....و فنضرو بلي العقاب المناسب هو يزوجو حيت حتى حاجة مكتغلبو إلى الزواج لي كان داير ليه الف حساب و حساب و ليوم بسباب خوه خاصو يرضخ لأمر باه... و الحاج ذكي و عارف هاذ الزواج غادي يكون عبئ كبير عليه
وقف ى باب الكلينيك و خرج غادي كيجري لجيهت الأستقبال كيسول على الشومبر لي فيها خوه عارفو غادي يكون متازم بزااف
دقائق كان واقف حدى الباب ديال الشومبر حلها و دخل و هنا كيتصدم من داكشي لي شوفو...........
YOU ARE READING
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
