الغرام الفاسد
55
هشام كيدور فعينيه يمين و شمال كيشوف واش غادي يلمحها لدرجة مسمعش حيدر كيدوي معاه
حيدر لاحظ هشام ملي جا وهو ماشي فوعيو غير ساهي
حيدر : وااااسي هشام
هشام عاد فاق من سهوتو و شاف فيه :ها شنو قلتي؟؟؟
حيدر : معا فين بالك ؟؟ ملي جيتي و نتا مرفوع؟؟؟
هشام بابتسامة :لا والو غير مشطون شي شوية (سكت شوية و كمل كلامو) آجي واش كاين معاكوم شي ضياف؟؟؟
حيدر عقد حجبانو باستغراب :ضياف؟؟ موحال... (حيت عارف نهار و هوما فالسبيطار مكينش شكون غادي يجي )
هشام دوا بشوية فحالا كيدوي معا راسو: إذن غادي تكون غير شي خدامة(ورجع شاف فحيدر )آجي واش عندكوم شي خدامة شهبة؟؟
حيدر زاد استغرابو: هاذشي لي باقي خاصني غير نعرف لي خدامين هنا كي دايرين
هشام تقاد فجلستو: سول خالتي واش كاينة
حيدر:كيبان ليا تصطيتي نتا هاذ الليلة
هشام تنهد بالجهد : تسطييييت اوووف اوووف سطاتني سطاتني
حيدر طلع ممسوق لكلام هشام هو لي فيه كافيييه
حيدر تكلم بتهكم: نسيتمنقوليك راني تزوجت
هشام ناض من بلاصتو كيفاش؟؟ تزوجتي؟؟ ايمتا و شكون؟؟؟
حيدر :ايمتا اليوووم و شكوون الله أعلم
هشام: كيفاش معرفش بيمن تزوجتي؟؟
حيدر : منقبة كيفاش غادي نشوفها
هشام رجع جلس : شكون فهاذ الزمان ولى يتزوج بلا ميشوف عروستو
حيدر : أنا
هشام : شنو القصة ديال هاذ الزواج؟؟؟مارتاحيتش لييه
حيدر :كلو من تحت رأس يوسف
هشام باستغراب : علاش شنو دار؟؟؟؟
حيدر تنهد و دوز يدو على راسو بعصبية :قول ليا شنو مادارش(و شاف فيه ) هاذ المرة تخطى كاع الحدووود
هشام : هو من ديما كيتخطى الحدود غير نتا الله يهديك كتغطي على أخطاؤو بزااف شي نهار غادي يحطك فشي موقف لا تحسد عليه
حيدر بابتسامة جانبية ديال الفقصة : واراه حطني ..... كنضن كنت غالط فاش فششتو لهاذ الدرجة
هشام :دابا بلا ألغاز قوليا شنو دار
حيدر خدا سيجار ثاني شعلو و بدا كيعاود لهشام كل مادار خووه....
YOU ARE READING
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
