الغرام الفاسد🖤مكتملة🖤

🖤الجزء 26🖤

الغرام الفاسد

فكرة وإشراف ندى علامي

بقلمي سكينة البقالي

26

عزيز كيحاول يحكمها : جربي و لكن كوني أكيدة كل مرة جربتي فيها ختك غادي تع...ذب (دفعها حتى جات فالأرض) عقابا لييك نتي لي غادي توجديها و نتي لي غادي توصليها لعند الكليان
أميمة شافت فييه :فأحلامك معمر شيحد يقدر يمسها
عزيز قرب لعندها و تحدر قفازي: غادي ديري داكشي لي كنقول ليك أو كوني أكيدة ختك غادي نغبرها و عمرك غادي تبقاي تشوفيها
أميمة قلبها مشا وجا فاش سمعاتو بلي باغي يبعد عليها ختها

بلعات ريقها و هيا كتفكر كلام صباح عاد البارح كانت كتوصيها دابا خاصها تخدم عقلها متكونش انفعالية
أميمة بدلات نبرة صوتها و طريقة كلامها :عافاك رحم حيت عافاك انا مستعدة نكون ع.بدة تحت رجلييك لي بغيتيها نديرها غير ختي خليها فالتيقار
عزيز ناض واقف كيقاد حوايجو:كلمة واحدة قلتها لييك تحط معاك من هنا لغذا فالليل وجديها و إلى عرفت بلي فكرتي ديري شيحاحة كوني أكيدة معمرك مزال تشوفيها
قال ليها هاذ الكلمة و تم خارج وصل حدا الباب و ضار اتجاهها فالليل بغيتك تكوني عندي وجدي راسك

غير خرج و هيا بدات كتبكي و كتشهق على زهرها العوج و على زهر ختها شنو غادي دير وكيفاش غادي تعتقها من هاذ المصييبة لي طاحت على راسهوووم

حطات راسها على جنب الناموسية و عينيها فجيهت ملاك لي كانت عايشة معا الرسوم مكيناش فهاذ العالم مزيدة ليهوم الصوت و كتضحك
تبسمات وسط حزنها فاش شافتها فرحانة و تفكرات واليديها تفكرات باها لي بسبابو ولاو يتامى كون داك الليلة مساكش الطوموبيل مكانش يدير كسيدة و يم...وت هو و مرتو .... كون دابا عايشين مجموعيين
تحسرات على حياتهوم القديمة كيف كانت بقات مدة هاكاك كتسترجع الماضي عاد ناضت من بلاصتها

تمات بخطوات تقال لجيهت ختها و جلسات حداها و عنقاتها: توحشتك الفارة ديالي
ملاك شافت فيها : هاذ البلاصة زوينة اختي واش غادي نبقاو عيشين فيها ديما؟؟
أميمة تبسمات ابتسامة باهتة : كنتمنا منبقاوش هنا كنتمنا شي معجزة توقع.......