الغرام الفاسد🖤مكتملة🖤

🖤الجزء 117🖤

الغرام الفاسد

117

كانت ناعسة حتى كتحس بشي يد كدوز بحنان على حنيكاتها فالاول ستاحلاتها ولكن للحضة جا فبالها داكشي لي وقع حدة باب القاعة حلات عينيها مخلوعة كتشوف ليه فعينيه لي كانو مفيكسيين عليها و كيبتاسم

أميمة بعدات عليه بسرعة و نطقات : نتا شنو كدير هنا (شافت فالبيت هذا ماشي بيتها )فين جبتيني؟؟ فين حنا؟؟.
حيدر ناض من فوق الناموسية غادي جيهت الكوافوز هز كأس ديال العصير و نطق ببرود
حيدر : صباح النور أمراتي (وتم جاي عندها وفيدو داك العصير مدو ليها)
أميمة كانت مشلوطة متبعة ليه العين شنو كيدير شافت فداك الكاس و ضرباتو بيديها حتى جا مشتت معا الحيط و ناضت من بلاصتها بالزربة

أميمة: أنا ممرتكش فين جبتيني؟؟
حيدر شد ليها من دراعها و جلسها فوق الناموسية بالزز :نتي فبلاصتك لي خاصك تكوني فيها معا راجلك

بغات تنوض و وهو يحمر فيها

حيدر : رصاي الزاج فالارض غادي ضربي رجليك

أميمة شافت فالارض لي ولات كلها زاج و عصير

حيدر : بقاي هنا أنا جاي

بعد عليها شوية و فتح واحد الخزانة جبد بنطوفة و حطها ليها من الجيهة آخرة

حيدر : آجي لبسي هاذي و زيدي نهضرو

اميمة: فين غادي نمشي معاك

حيدر دار يدو فجيبو و دوا بطنز : باغيا ندويو فبيت النعاس؟ حتى هاذي مزيانة

أميمة ناضت قافزة لجيهة البانطوفة لبساتها

أميمة: معندي فين نهضر معاك كلمة واحدة قلتها ليك البارح بغيت طلاقي وكل واحد يشد طريقو

حيدر على حجبانو بزوج معا ضحكة جانية و قرب لعندها و تحدر شوية لمستواها و نطق بطريقة حنينة : قلت ليك البارح نتي ديالي بوحدي و من هاذ النهار بلاصتك معايا قبل متنطق كان حيدر شاد ليها من يدها و جارها معاه خارجين لبرى

خرجو لصالون عصري و شاف فيها :جلسي

أميمة: قلت ليك مبغاش نجلس

حيدر بدا كيتعصب : أميمة باركة من حركات الدراري الصغار

أميمة: نتا لي كدير حركات الدراري الصغار أنا قلت لك مبغاش ندوي معاك و قلت لك شنو بغيت البارح

حيدر بعد عليها و مشا وقف حدا حيط لي كان كلو زاج و بقا كيهضر

حيدر : أنا معمري غلطت معاك فشي حاجة و حتى النهار لي قلتي ليا فيه ماضيك كان الغلط ديالك نتي ماشي ديالي