الغرام الفاسد🖤مكتملة🖤

🖤الجزء 72🖤

الغرام الفاسد

72

خرج من البارطمة ديالو هاذي مخليها غير لهاذشي معندوش معا الاوطيلات....

وصل معطل للدار دخل و شعل البيل ديال تيليفونو كان غادي طالع لبيتو حتى سمع شي تقرقيب فالكوزينة

تم راجع غادي ليها حتى تبلوكا فاش شافها جالسة كتاكل بان ليه شعرها لي كان مطلوق على طولتو كيبري معا ديك.البولة لي شاعلة فوق راسها ولا شعرها كيبان فحال ضو الشمس كيبري

بقا كيحقق فيها كيشوف كيف كتاكل و تبنن معا كل دغمة كديرها و تمص فصبيعاتها نسا راسو عاايش اللحضة كان غير نص وجهها لي كيبان ملاميحها مباينينش مزيان

فيقو من سهوتو فاش شافها ناضت من بلاصتها و كتدوي بوحدها كيف الحمقة
أميمة:اووف الحمد لله هاني عمرت الكريشة (شافت فواحد السوبيرة و عمراتها بدوك المملحات ) هاذو ناخدهوم معايا للبيت باش منشوف حتى شي حد غذا

مشات جيهت الثلاجة رجعات الباقي و هزات قرعة ديال العصير ديك السوبيرة

كانت الضو و تمات غاديا لجيهت الدروج مقاتلة معا داكشي لي هازة و معا سروالها لي كان كيتجرجر فالأرض
حيدر بقا تابعها بعينيه ضحكاتو بدوك التصرفات الطفولية عرفها أميمة غير من صوتها
بقا واقف بلاصتو حتى مبقاتش بانت ليه عاد تحرك و على وجهو ابتسامة

دازت شهرين أميمة من ديما كتحاول تجنبهوم و هوما مخليينها على خطرها

كانت كل عشية كتخرج معا عدوزتها يمشيو يشوفو ملاك لي كانت حالتها هيا هيا مكاين حتى تحسن و من بعد يمشيو يجلسو فشي بلاصة أو يرجعو للدار

و فالليل ديما كانت كتنزل للكوزينة حتى ينعسو تاكل و طلع معاها شيحاحة و طلع و فنفس الوقت حتى هو ولا مولف كل ليلة يشوفها كتسلت لجيهت الكوزينة تاكل بالتخبية

معرفش علاش ولا مولف ديما فديك الوقيتة يتسناها واخا عارف بلي مخاصوش يشوفها بلا نقاب ولكن شيحاجة الداخل ديالو كانو كتجرو ديما ليها....

حتى لواحد الليلة كانت متكية فبيتها كتحس بكرشها كتقطع نهار وهيا فالفراش حتى ختها ممشاتش عندها
ناضت بزز من بلاصتها غاديا للكوزينة تشوف تشرب شيحاجة سخونة على الله الوجع يمشي
وصلات بزز كانت شادة فكرشها و هيا كتقلب على البابونج أو اليانسون
حيدر كان من البعد كيشوف فيها كيفاش كتحرك عرف عندها شيحاحة
حلات واحد البلاكار و هيا تلقا داك البابونج جبداتو و بصبيعات يديها و فلحضة طاحت البواطة فالأرض

بقات كتشوف فيها شوية و هيا تحدر تجبدها غير وقفات وهيا تحس بالدنيا ضارت بيها شدات من راسها و توازنها اختل بقات كتحرك فبلاصتها يمين و شمال كتستعد طيح فالأرض غير مالت علة واحد الجيهة و هيا تحس بيد شداها من نصها حلات عينيها بثقالة حتى جاو عينيها قبلت عينيه

حيدر غير شافها كتميل عرفها غادي تسخف بسرعة مشا فاتجاهها و شدها ....
بقا مبلوكي أول مرة بشوف وجهها كلو من ديما كيشوف غير جيهة واحدة .....

شنو غادي تكون الردة ديال الفعل ديالو من بعد.مشافها🥺🥺🥺