الغرام الفاسد🖤مكتملة🖤

🖤الجزء 94🖤

الغرام الفاسد

94

حلات عينيها بشوية باغيا تنوض حتى حسات بشي حد شاد ليها من كتفها معاونها شافت فيه كان مبتاسم ليها

أميمة مكمشة وجهها : شنو وقع؟؟

هشام عاونها تجلس : سخفتي قبيلة كنت دايز و شفتك طحتي و دخلتك لعند الطبيب يفحصك

أميمة :شكرا لييك عذبتك معايا

هشام بتاسم ليها فرحان شافها من نهار شافها فالبالكون وهيا فبالو صورتها محيداتش من عينيه

هشام : واش عرفتيني؟؟

أميمة عارفاه مرارا كان كيجي لعندهوم للدار ولكن هو معمرو شافها كانت ديما مغطية وجهها

هشام فاش شافها ساكتة نطق : فالحقيقة شفتك مرة واحدة فدار اليعقوبي الناس لي كنتي خدامة عندهوم..

أميمة استغربت كيفاش خدامة؟؟ شافت فيه : ايمتا شفتيني؟؟

هشام : شحال هذا شفتك فالبالكون و من بعد سولت قالو ليا مبقيتيش معاهوم

أميمة مبغاتش طول معاه الكلام و بغات تحيد الصيروم لي فيديها

هشام بالزربة شد ليها يديها و حيدها ليها : راه مزال ماسالا الصيروم حتى يتسالا عاد نحيدوه ليك

أميمة:لا خاصني نمشي ضاروري

هشام : واش مكينش راجلك هنا يجي يعاونك؟

أميمة بدون شعور جاوباتو : مبقيتش مزوجة

هشام غير سمع شنو قالت ليه فرح من الداخل ديالو

قاطعهوم الطبيب فاش دخل

الطبيب :مدام راه خاصك ترتاحي دابا مصلحش ليك تنوضي

أميمة: دكتور راه خاصني نمشي ضاروري ختي كتسناني

الطبيب : راه مزال مسالا الصيروم حتى يسالي عاد.نوضي راه الطونسيو كان طالع لييك بزاف اضطرينا نديرو ليك السيروم و نديرو فيه الدوى باش يهبط ليك الطونسيو بالزربة ....

بقات كتسنى الصيروم يتسالا عاد.ناضت من فوق داك الباياص و هشام معاونها
أميمة بعدات منو كتقاد فالكيطمة لي لابسة : شكرا ليك
هشام : نوصلك لبيت ختك ؟
أميمة :لا شكرا غادي نمشي بوحدي

خلاتو و خرجات غاديا عند ختها هشام معطاهش خاطرو يخليها تمشي بوحدها بقا تابعها من البعيد حتى شافها دخلات عند ختها عاد كمل طريقو كان جاي غير عند شي واحد كيعرفو فتح وجا يدير الواجب معاه