الغرام الفاسد
91
أميمة عقدات حجبانها و ناضت لعندو معصبة : معا شنو كادير هنا؟؟لاش تابعني؟؟
يوسف : ياكما نسيتي اتفاقنا؟؟ راه كنتسناك
أميمة : اشمن اتفاق؟؟انا متفقت معاك على والو
يوسف حط يدو على خدها و هيا تحيد ليه يدو بالزربة و علات صبعها كتحدرو: آخر مرة تحاديني بيديك الموسخين
يوسف بدل نبرة صوتو و قرب عندها كارز على سنانو : شكون لي موسخ الموسخة؟؟شدها من دراعها مزير عليها
يوسف غادي ندمك إلى مجيتيش عندي هاذ الليلة غادي نقول لحيدر كلشي و غادي نقولها حتى لعزيز
أميمة نترات يديها منو و زادت هيا قربات عندو كتشوف فيه بتحدي و تبسمات: خووك أنا قلتها لييه كون هاني اما عزيز غير سير قوليه كلشي (سكتات شوية و كملات كلامها )متنساش أنا حرم خووك و هازة سمية العائلة
تخايل يجي عزيز و أنا ندير فضيحة هنا؟؟ تخايل خوك فاش غادي يعرف بلي نتا وسختي سمعة العائلة فاش يعرفوه مزوج بيا؟؟ ديييير لي بغيتي مبقيتش كنخاف
بعدات عليه و عرات على وجهها محيدة هاذاك الن قاب : سير قولها لعزيز أنا كنتسناه
قبل ميجاوبها سمع تيليفونو كيصوني جاوب دغيا حيت عرفو خوه غير من الصونيت
يوسف كيشوف فيها بالجنب و هو داوي معا حيدر : وي خويا
حيدر : دابا سير للدار جيب الباسبور ديالك و تلاقاني للمطار
يوسف بتساؤل : باسبور؟؟ وعلاش؟؟
حيدر :ماشي وقت الأسئلة سربي راسك ( وقطع عليه )
يوسف شاف فأميمة : كتباني ليا وليتي قطة مسعورة؟؟ ماشي مشكل تسنايني غير نرجع ليك وغادي نهرس ليك هاذ الراس بيدي
أميمة بابتسامة استفزاز:دير لي بغيتي مبقيتش كنخاف
عطاتو بالضهر و رجعات جلسات على الكورسي كتشوف فيه يوسف بقا واقف شوية من بعد خلاها وخرج غادي يدير داكشي لي قاليه خوه
أميمة غير خرج و هيا تنهد كانت كترعد بالخوف من الداخل ديالها ولكن مبغاتش تبين ليه شيحاجة
.... وقفات كطل من السرجم كيبان ليها غادي لطوموبيلتو رجعات اللور شوية و دارت صبعها ففمها كتقطع ضفرانها بسنانها من قوة الستريس والخوف و نطقات : أميمة كوني قوية ماتخافيش(شافت جيهت ختها ) ملاك فيقي أختي الله يرضي عليك خلينا نمشيو من هنا
قربات عندها و جلسات حاطة يديها على يدين ختها و مزيرة عليها شوية : عافاك أختي فيقي راه قلبي كيكلني عليك
كيف جاتكوم شخصية أميمة كيف ولات؟؟ وكيف جاكوم تصرفها معا يوسف؟؟
YOU ARE READING
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
