الغرام الفاسد
62
خرجو لاطيراس ديال الكافي مشا لواحد الطابلة و شاف فيها
حيدر :جلسي هنا
أميمة مشات جلسات عاجبها المنضر خصوصا جلسو اونفاص معا البحر
حيدر جلس و شاف فالسيرفور لي بدورو جا كيجري لعند حيدر
السيرفور حاني راسو احتراما ليه
حيدر بأمر :خوي ليا هاذ الطيراس منلقا حد كيضور هنا و جيب ليا قهوة كحلة
شاف فأميمة لي كانت فعالم تاني كتشوف غير فالبحر
حيدر : نتي شنو بغيتي
أميمة كاع مبالها معاه كتشوف غير فالبحر
حيدر شاف فالسيرفور و عطاه إشارة يبعد عليهوم شوية عاد رجع دوا معاها
حيدر :أميمة
غير سمعات سميتها و هيا تضور عندو
حيدر : شوفي الموني
أميمة مفهماتوش شنو قال بقات غير كتشوف ناحيتو ولكن عينيها لتحت مكتقدرش تكمل الشوفة فيه
حيدر مد يدو للموني وقربو ليها :خودي شوفي شنو بغيتي تفطري
أميمة مدات يديها للموني و فتحاتو كتشوف غير التصاور داكشي مكتوب بالفرنسية و هيا قارية حدها للكاطريام طلع مكتعرف للفرونسي
دوات بشوية : معرفتش هاذشي لي مكتوبحيدر شاف فالسيرفور لي كان مزال كيتسناه اشار ليه يجي و كوموندا ليها الفطور و قاليه مينساش يخوي الطيراس
غير مشا السيرفور و هو ينطق : كيف بقات ختك؟؟؟
أميمة : كيف ماكانت خوك غادي يكون حسن منها
حيدر جبد سي جارة و شعلها : ونتي خديتي الثمن (وضهك ضحكة مستفزة ) تزوجتي على قبل مصلاحتك....أميمة تعصبات من هاذ الكلمة و دوات و هيا معصبة : شمن مصلحة كتدوي عليها؟؟؟؟ كون ملويتوش ليا يدي و حطيتوني امام أمر الواقع كون خوك فالحباسات ماشي عايش حياتو طول و عرض..... حنا ناس على قد حالنا و نتوما كلشي كتشريواه بفلوسكووم و هاذ الزواج نتوما لي رابحين منو أكثر مني أنا فقط باغيا حيت تعالج و نهار لي تصح انشاء الله معمركوم مزال تشوفوني......
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...