الغرام الفاسد🖤مكتملة🖤

🖤الجزء 33🖤

الغرام الفاسد

بقلمي سكينة البقالي

فكرة وإشراف ندى علامي

33

نهار كلو و هوما كيخططو كي غادي يديرو صاف كلشي واجد و مقاد خاصهوم غير ينفذو

غير خرجات صباح معا ملاك و هوما البنات يهبطو للبار التحت رقية مات جلسات حدا داك المصري كانت كتدوي معاه و عيونها كيدورو يمين و شمال و حتى كتلمح واحد جالس اونفاص معاهوم كيضحك ليها بادلاتو بنضرات مق....حبنة و غمزاتو و طلقات ضحكة بالجهد زاد ركز معاها و هيا داويا معا داك المصري
دازت دقائق معدودة و هيا ترجع تشوف فيه و دارت ليه اشارة بصبعها باش يجي

مكانش من العاكزين داك الساع ناض و مشا لعندها حتى وقف عليهوم
الشخص : آجي تجلسي معايا الزوينة
المصري طلعو و هبطو و دوا معاه بالمصرية (شوفو غادي دوي بالدارجة معنديش معا اللهجات ) : واش مبانتش ليك انا سير بدل ساعة
الشخص : الدرية مبغياكش باغياني أنا
المصري بعصبية : معا سير من هنا عندك ميعجبك حال
الشخص باستفزاز : إلا ممشيتش شنو غادي دير
وفلحضة ناقصاك المصري ضربو و هنا بدات المضاربة
هاذ الفيلم كلو داز من تحت عينين البنات و فاش بدات المضاربة مشاو حتى هوما زعمة يفارقو و هوما كيضربو حتى ولا طلع الكليان لي فالبار شادين فبعضهوووم
عزيز كان فبلاصتو المعتادة كيشوف فالكاميرات و غير شاف المضاربة ناض كيجري يمشي يفكر الحريرة
اما صباح و أميمة كانو فواحد الكولوار كيتسناو غير الاشارة فاش عزيز يخرج و داكشي لي كان غير شافوه مشات صباح ديريكت لجيهة الكاميرات مسحات كثر من 3 ديال الساعات و طفاتهوم و شافت ف أميمة
صباح : دابا خاص نشوفو ملاك قبل ميوقع لي خايفين منو
اميمة حركات راسها بآه و خدات واحد الحديدة كانت حدا شيميني و خرجو ديريكت للبيت لي فيه ختها
غير فتحات الباب و هيا تشوف داك المنضر ختها عايشة على الوعي و حوايجها مقطعين و داتها كلها عريانة مقدراتش تستحمل فاش شافتو قريب ليها و بدون سابق انذار كانت ضارباه الراس
أميمة طاحت ليها ديك الحديدة فالارض و دارت يدها على فمها :قت...لو(وبداو دموعها كينزلو)

تجمعو البنات آجي كتضنو اميمة غادي تقدر تهرب