الغرام الفاسد
100
أميمة نساتو:هذا غير واحد السيد عاوني باش جيت تسناي
خلاتها و مشات عندو حلات الباب و طلات عليه براسها
أميمة : سي هشام شكرا على التوصيلة تقدر تمشي دابا
هشام عقد حجبانو و نطق : صراحة مكتعرفيش للصواب طريق كاملة و نتي ناعسة و بسبابك بقيت بلا غذا ودابا مقاداش تعرضي عليا حتى على شي مسيمنة و كاس ديال أتاي؟؟
صباح كانت واقفة قريبة ليهوم سمعاتو شنو قال و دوات معا أميمة
صباح :أميمة (ضارت عندها) حشومة قولي للسيد ينزل يرتاح و يشرب غير كأس ديال اتاي و يمشي
أميمة شافت فيه : أنا مكنعرفش للصواب غير سمحلي نزل نزل
هشام معطلهاش نزل هاذيك الساعة
البنات كانو قالو الكليان بلي سالاو الخدمة هاذ النهار غير يسمحو ليهوم و رجعو لعند أميمة كيشوفو فهشام باين عليه ولد نقي و مربي باين عليه بوكو عاقة
هشام كيشوف فيهوم كيف كيشوفو فيه ضحك و دوى: مغاديش تشربوني اتاي؟؟
البنات كلهوم رحبو بيه صباح شافت فالبنات و غمزاتهوم عرفوها شنو باغيا دخلو كيتجاراو خرجو طابلة و كراسة حطوهوم حدى الحانوت
صباح :آجي اسيدي جلس و غير سمحلنا منقدروش ندخلوك لداخل حيت حنا غير وليات
هشام تبسم و جلس : سميتي هشام حيدي ديك كلمة سيدي
صباح بابتسامة :هشام
البنات دخلو قادو اتاي و قادو داك المسمن و السفنج موهيم داكشي لي كيبيعو حطوه ليه و رجعو دخلو كيجمعو الماطريال ديالهوم بقات غير أميمة و هشام و صباح و ملاك هوما لي جالسين
هشام عركها مسمن حتى صاف شبع شاف فأميمة و خاص من بلاصتو : أميمة غادي نمشي دابا هانتي معا خواتاتك
أميمة ناضت حتى هيا : شكرا لييك بزاف عذبتك معايا
هشام : مكاين لاعذاب لاوالو (وشاف جيهت صباح ) شكرا ليك
صباح :لا بالعكس حنى لي خاصنا نشكروك حيت عاونتي أميمة
هشام : عطيني نمرتك(وشاف جيهت أميمية) باش نبقى نطمن عليكووم و زيد باين غادي نرجع ناكل هاذ المسمن
صباح جبدات تيليفونها و عطاتو النمرة داك ساع صونا ليها
هشام : سجلي عندك نمرتي(سكت شوية ورجع نطق ) شنو سميتك ؟؟
صباح قالت ليه سميتها رجع شاف فملاك و تحدر عندها باسها مادن راسها
هشام :الاميرة صغيورو تهلاي فراسك
ملاك :صاف اعمو غادي تمشي؟؟
هشام : مغاديش نتعطل عليكوم مرة مرة تجي نطل عليك
وقف وشاف جيهت البنات لي كانو لداخل شير ليهوم بيدو بمعنى بسلامة و ودع أميمة و ركب فطوموبيلتو راجع لمدينتو .....
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
