الغرام الفاسد🖤مكتملة🖤

🖤الجزء 104🖤

الغرام الفاسد

104
يوسف نطق بالزربة قبل ميخرج خوه : أنا ساومت مراتك على شرفها أو نقول ليك الحقيقة....
(قاليه هاذ الجملة و هو كيشوف فضهر خوه كان كيحس بتأنيب الضمير شاف المو ت بعينو و بغا يك فر على أخطاؤو)
حيدر بقا واقف كيسمع شنو قال ليه خوه كيستوعب شنو قال ضار لعندو نصف دورة و نطق من تحت سنانو
حيدر : شنو قلتي؟؟
يوسف بدا كيعاود ليه من الأول أول مرة شافها فالبار حتى النهار لي عرفها هيا مرت خوه موهيم خوا ليه المزيودة كلها حيدر كان غير كيسمع لخوه كيف كيعاود ليه بلي هيا بنت الميتم و كيف عزيز كيتاجر فالبنات وكيف هددها بختها الصغيرة عاود ليه داكشي لي قالو ليه عزيز بالتفصيل حتى من اغت صابو ليها عاودت ليه و ختمها بجملة
يوسف :مرتك اشرف من الشرف إلى كان الشرف كيتقاص غير بديك الجلدة فهيا مذنبة ولكن إلى كان الشرف كيتقاص بالأفكار و القيم و الضمير فمراتك ناذرة الوجود(حنا عينو لتحت و دوى ) أنا عمري قصتها أو قربت ليها و نهار لي جاتني الفرصة هيا متردداتش للحضة تقول ليك الحقيقة أنا عارف راسي غلطت بزاف(وشاف فيه و دموعو فعينيه ) كنتمنا تسامحني على اغلاطي

حيدر كان مصدوم من كلام خووه كل كلمة كان كينطقها كيتصدم كثر اولا من أميمة و ثانية من خوه لي بغا يوسخ ليه شرفو و عرضو آه تزوجو اجباري وماشي برضاهوم ولكن هيا مرتو على سنة الله و رسوله
حيدر شاف فيه بالاشمئزاز : معمري ضنيت خويا غادي يبغي يضرني شي نهار ولكن نتا خيبتي توقعاتي و طعنتيني فضهري
رما ليه عاذ زوج كلمات و خرج غادي لطوموبيلتو ركب فيها و مكسيري غادي لعند عزيز و أفكار كتجيبو و آفكار كتاخدو
دقائق كان واقف حدى البار نزل من طوموبيلتو داخل و كيقلب بعينيه على عزيز غير وقف حداه ز هو يعطيه بكروشية حتى جافالأرض طايح
عزيز محس براسو غير فالأرض طايح و الدم خارج ليه من نيفو على عينيه لجيهت حيدر وقبل مينطق كان حيدر فوقو كيضربو كروشية و لا كروشية حتى ولا شرويطة فيديه

الكاردكور و لي خدامين تماك حتى حد مقدر يقرب ليه عارفينو شكون هو وعارفين إلى وقفو فطريقو غادي يصف يها ليهووم

حيدر بقا هاكاك حتى حس براسو عيا بعد عليه كيشوفو غارق فد مو و نطق : فيناهيا أميمة ؟؟
عزيز مكانش فهاذ العالم غيب حيدر شاف يمين و شمال بان ليه غير جيهت الشراب مشا ليه و خدا قرعة حلها و كبها عليييه ناض قافز داك لالكول لي فشراب حر قو فداتو