الغرام الفاسد🖤مكتملة🖤

🖤الجزء 5🖤

🖤🥂 الــغـرام الـفـاســد 🥂🖤
   فكرة وإشراف : ندى علامي
   بقلم : شيماء عمراوي
   الجزء 5

خرجو لبنات على برا، لقاوهم كيتسناو فيهم و فإنتضارهم كذلك طموبيل كبيرة من ماركة ميرسيديس بلأسود .. ركبو فديك الطموبيل من بعد ما سمعات أميمة خل ودينها من عند سعيدة على التعطيلة لي تعطلات  عاد سكتات ..
مسافة طريق تقريبا 15 دقيقة حتى كيحسو بالطموبيل وقفات وهبطو كاملين قدام واحد الكباريه غير من المساحة لي شاد كايبان كبير ..تحركات سعيدة قدامهم وهوما تابعينها داخلين من لباب لوراني من بعد ما دخلهم واحد كان تما فلباب، دخلوا على صوت الموسيقى الهادئة كاتسمع فأرجاء الملهى و هوما طالعين فالدروج وكل مرة كايضورو عينيهم فلبلاصة كايحسو بهادشي جديد عليهم... ماطولوش بزاف حتا دخلوا لواحد البيت من بين 2 بيوت لي كانو تما .. كان كبير فيه حمام وكذلك بلايص فين غاينعسو قدهم بلحساب  ... لقاو ربعة دلبنات جالسين فوق لكراسة وكيديو ويجيبو فلهضرة حتى شافو سعيدة ولبنات معاها داخلين وقفات غير وحدة فيهم وهي كتبسم ليهم..
صباح : مرحبا
كانت كبيرة شويا تقريبا فسن الثلاتين لابسة كولون وديبردو مبين فصالتها لي مامقاداش ، باينة تاهيا هازة فدنيا وحاطة .. شعرها فلون الأسود جامعاه لفوق ولعكر ف فمها بلحمر ..كطرطق فلمسكة
سعيدة : تعطلنا عليكم شويا ..
صباح : ماشي مشكل حتى لبنات يلاه دخلوو
سعيدة : يلاه غير يبداو
صباح دورات وجهها فلبنات كاتشوف فيهم وحدة بوحدة وكاتبسم : فينا هي أميمة فيكم
هزات أميمة فيها عينيها باستغراب فين عرفات سميتها : أنا
صباح : زوينة تبارك الله... ما علينا يالاه ألبنات بداو لينا يالاه تساليو مع الوقت.

خرجات سعيدة  وهوما ضارو بلبنات وصباح حاضياهم بداو بلاصير من بعد دازو للميكاب والشعر وأخيرا اللمسة الأخيرة ولي هي لباس رجعات صباح  للطبلة لي كانت وراها كانو فيه شي ساشياات تحركات لتما وهزات وبدات تعطي لبنات داكشي مناسب مع لميكاب لي دايرين.. كل وحدة وشنو جاها داكشي كان سيكسي و لمعري فيه كثر من لمغطي أغلب مفاتنهم باينين بطريقة مثيرة..
سالاو وجمعو لبنات داكشي ديالهم وخرجوا دقائق حتى كانت دخلات سعيدة .. شافت فيهم ونطقات بأمر: وقفو مصافيين .. شويا ويدخل سي عزيز
نفدو داكشي لي قالت وهوما كيشوفو فلباب حتى شافوه دخل كايتمختر ماوقف حتى تقابل معاهم كايحقق فيهم وحدة وحدة بغا ياكلهم بعينيه خصوصا أميمة لي فيضات أنظارو وهيجاتو من أول مرة شافها واخا راه يولد قدها ويفوتها لهييه .. كانت حادرة راسها وهو كيطلعها من صباط رجليها لراسها...
رجع لوور تقابل معاهم وقال كلامو
مرحبا بيكم ... الليلة غاتنزلو للتحت لموهيم ندخلو نيشان بلا تطاول لهضرة ... أول حاجة خليو الإبتسامة ديما على وجهكم ماتبينوش ضعفكم لزبائن هاد الأيام ماكايناش لخدمة مهمتكم هي تلفتو لإنتباه ديال لكليان خليوهم يلاحظكم ويكتاشفو بلي راكم جداد ... شعلي لهذا لگارو ، عطي لهذا لكاس .. شطحي راكم عارفين بلا مانقول ليكم  ليه لموهيم تعجبيه وحاولو تلمسو شويا بيهم راه هاكا كتبدى لخدمة هنا وباش يالاه نيت تولفوها ... وريوني حنة يديكم .. شويا وتنزلو للتحت..
خرج وخلاهم ربي لي عالم بحالهم ذاتهم كاترعد ولخلعة شاداهم من صبعهم الصغير  من هادشي لي قال.. مادازش بزاف ديال الوقت على الهضرة لي ضارت بيناتهم حتى كانت تعشات لعيشة وضلام لحال ووصل الوقت فين خاصهم ينزلو  ... تجمعوا خارجين وحدة مور وحدة و صباح معاهم .. طلعو فلمصعد باش ينزلوا لتحت .. ماشي بزاف حتى تحل وخرجو منو .. تقابلو مع دخلة ديال لباب دلكباريه لي كانت اونفاص معاهم ...
#يتبع
توقعاتكم 🔥🔥