الغرام الفاسد🖤مكتملة🖤

🖤الجزء 119🖤

الغرام الفاسد

119

حيدر : كنت خايف متخلينيش نقرب ليك ولكن دابا عرفت بلي حتى نتي كتفكري فيا و حتى نتي باغياني

أميمة كانت ساهية فيه فالأول فحالي داير ليها مغنطيس ولكن غير باسها و يقال ليها هاكا و هيا توعا على راسها و دفعاتو مبعدة عليه كانت كتحس بالرجفة فداتها

اميمة : عافاك بغيت نمشي فحالي

حيدر بطنز:غادي نمشيو ولكن ماشي دابا حتى نصفيو الخواطر

أميمة: مكاين كيتصفا بيناتنا

حيدر سولها : شنو ردت ليك باش مبغياش تكوني معايا؟؟

أميمة بقات ساكتة كتفكر شنو غادي تقوليه بقات ساكتة كتفكر حتة قاطع تفكيرها

حيدر : شفتي ملقيتي والو حيت أنا عمري اذيتك يمكن صدر مني كلام خايب كنتي نتي سبابو حيت مكتعرفيش تهضري

أميمة حدرات راسها فالارض و نطقات : أنا منصلحش نكون زوجة ليك أو لغيرك (وشافت فيه ) الماضي ديالي غادي يبقى يطاردني ديما

حيدر : أميمة ماضيك مكيهمنيش داكشي لي داز كان بزز منك لي كيهم الحاضر ديالك و مستقبالنا

أميمة من الداخل ديالها فرحانة بكلامو خصوصا فاش عرفاتو كيبغيها ولكن داكشي لي عاشتو صعيب تنساه

قبل متنطق بشي كلمة كان حيدر لاسق فيها كيبوسها أميمة بدون شعور منها استسلمات ليه لثاني مرة محسات براسها غير و هيا فالفراش مجردة من ثيابها من بعد ممارسة كانو محتاجينها بزوج(دارو قباحة)

تكا حداها و قرب ليها معنقها و غاطس راسو فشعرها

حيدر ببحة: توحشتك

أميمة غمضات عيونها مكنتش قادة تشوف فيه معا بالها كتقول كيفاش عاد.كانت كتقول ليه بلي يعطيها طلاقها و دابا ناعسة حداه مرضاتش كتقول بلي غادي يقول عليها ساهلة ولي دارتو معاه كديرو معا غيرو

كان ساد عيونو حتى سمع تنخصيصها طلع يدو معا ذراعا و ضورها عندو كيحيد ليها شعرها من وجهها و طول فيها الشوفة كانت فحال شي بيبي وجهها حمر و دموعها نازلين مقدراش تشوف فيه

حيدر نطق: أميمة شوفي فيا

أميمة بقات حانية راسها

حيدر رجع نطق: شوفي فيا

علات عينيها بشوية كانو دامعين حيدر حط فمو فوق عويناتها و باسهوم واحدة من ورا واحدة و بعد شوية

حيدر : طول مانتي معايا معمرك تحدري راسك للأرض نتي مراتي وهاذي لي درناه دابا دليل على حبنا لبعضنا ماشي دليل على الضعف بالعكس

و رجع عنقها تعمد يقول ليها هاكا باش متبقاش تقول بلي هيا ستسلمات ليه كان عارف فاش كتفكر