الغرام الفاسد🖤مكتملة🖤

🖤الجزء 111🖤

الغرام الفاسد

111

حيدر تصدم منو و تعصب : واش كنتي عارف فيناهيا و سكتي ؟؟هشام :لا والله مكنت عارف هاذاك الوقت بلي أميمة هيا مراتك شوف مغاديش نكذب عليك كانت عاجبني أميمة ولكن فاش وصلتها بغيت نبقا نتواصل معاها و خديت نمرت صحبتها ولكن معا الوقت أنا وليت باغي صباح وليت باغي نسمع صوتها نعرف اخبارها أميمة ولات ختي الصغيرة

حيدر :إذن مكنتيش عارف بلي أميمة هيا مرتي؟؟

هشام :ماشي بزاف باش عرفت نهار لي جينا أنا و الواليدة نشوفو صباح و يتعارفو شافت أميمة و عقلات عليها و فاش خرجنا قالتها ليا

حيدر : نتا دابا عارف عليها كلشي؟؟

هشام حدر عينو للأرض و رجع شاف فحيدر : الماضي ديال أميمة و صباح و البنات كان مبزز عليهووم و حاضرهوم فأنا عشت معاهوم و عارف ادق التفاصييل هوما أشرف من الشرف دازت عليهوم بالمعقول شحال من ليلة باتو بلا عشا و شحال من ليلة باتو سهرانين كيقادو الحلاوي للناس كانو كياخدو كوموندات كثر من طاقتهوم باش يسدو المصاريف و يقدرو يعيش كل واحدة منهوم ب ميات راجل و أحسن (تبسم و رجع دوى بقى كيعاود لحيدر فاش جاو البنات شنو دارو و شنو عاشو )

لداخل كانو الناس مصدومين من هاذشي لي واقع كلشي كيدوي و كيوشوش النص ديال العائلة عارفين أميمة و النص معارفينهاش و حتى هوما يسحاب ليهوم أميمة هيا لعروسة واقف حدى مو و باه مصدوم فاش شافها

الحاجة شافت فراجلها: سيدي عبد الله ماشي هاذيك أميمة مرت حيدر

الحاج مغوبش: حيدر ممزوجش و هاذيك ماضي و طويناه.
الحاجة مشات عند ام هشام خديجة

الحاجة :الله ياختي مبانت ليكوم حتى واحدة من غير أميمة واش معارفاش بلي ولدي مزال مزوج بيها؟؟

خديجة محشمة من ختها : راه ماشي أميمة لعروسة راه صحبتها و زيد أنا كنت باغيا نقولها ليكوم ولكن هشام حلفني منقول ليكوم والو

حداهوم كان واقف ساكت و مصدوم من هاذ الصدفة هاذي كيشوف بعينيه حتى لمحها داخلة معا الباب باين عليها معصبة و تمات طالعة فالدروج ديال القاعة يوسف تم غادي وراها تابعها حتى بعدو من الدرووج عاد عيط ليها