الغرام الفاسد
112
يوسف :أميمة
أميمة غير سمعات صوتو عرفاتو وقفات كارزة على يديها حتى دخلو ضفارها فالجلدة ديال يديها و ضارت ناحيتو
أميمة كتشوف فيه باشمئزاز : شنو بغيتي تاني ؟؟ كيبان ليا مزال طايش و هاذ السنين لي دازت مبدلاتش فيك شيحاحة
يوسف قرب عندها مخلي بيناتهوم مسافة مقدرش يشوف فيها حشمان بزاف من داكشي لي دار فالماضي
يوسف : من شحال هذا وانا كنقلب علييك
أميمة باستهزاء : ياك ماكان عندك ليا شي عرض آخر أو شي ته ديد جديد؟؟
يوسف بلع ريقو :فالحقيقة هاذ الستسنين لي دازت كلها معمري نعست مرتاح البال (شاف نحيتها كانو عيونو دابلين و باين الصدق فيهوم )ست سنين وانا كنتمنى نلقاك باش تسامحيني على داك الكلام لي قلت ليك و تسامحيني على تصرفاتي الصبيانية و على داكشي لي درت لختك
أميمة متيقاتوش: ليك ماهاذا شي لعبة جديدة عندك؟؟
يوسف قاطعها : والله مالعبة ضميري كان كيأنبني على مادرت فيك و فخويا و بسبابي باش تفارقتو
أميمة :ماشي بسبابك تفارقنا اصلا علاقتنا من الأول كانت مصلحة هو على خوه و أنا على ختي و فاش تسالا الاتفاق كل واحد شد طريقو
يوسف : بغيتك تسامحيني
أميمة:بقا غير بعيد عليا و متقربليش أنا راه نسيت الماضي
ضرورات وجهها باغيا تكمل طريقها و هو يكمل كلامو
يوسف : حيدر من نهار عاودت ليه بلي كنت هددتك من داك الوقت مكيدوي معايا خسرت خويا الوحيد بسباب الطيش ديالي حيدر كيبغيك من نهار لي مشيتي و هو كيقلب عليك
أميمة غير كمل كلامو كملات هيا طريقها مبغياش تدوي معاه بقات غاديا كتسرع فخطواتها حتى دخلات لعند لبنات لي كانو واجدات و سالاو لباسهوم
شافو فيها لقاو دموعها نازلين و كتبكي عرفوها شافتو كانو متوقعينها وقالو ليعا بلا متحضر باس ميشوفهاش ولكن هيا اصرت تكون حاضرة كانت باغيا تبين ليه بلي هيا ماشي عا هرة و بلي بدلات حياتها و نجحات
صباح قربات لعندها و مسحات ليها دموعها :واش شفتيه؟؟
أميمة حركات راسها بآه و بقات كتعاود ليهوم شنو وقع
رقية :من هاذشي كامل بقا فيا خويا هشام كلا كروشية وهو مداير والو
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...