الغرام الفاسد🖤مكتملة🖤

🖤الجزء 68🖤

الغرام الفاسد

68

لفوق دخلات للبيت لقات الكوافورة كاينة كتسناها مقادة كلشي لي غادي تحتاج أميمة شافت فالحاجة

أميمة : خالتي ولكن أنا منقبة ميمكش يشوفني شي راجل ( كانت خايفة من حيدر أو يوسف يشوفوها )

الحاجة بابتسامة :كوني هانية أبنتي راه كاينين غير العيالات حتى من الكريطور و السرباية بنات و الحاج و لوسك و راجلك راه مغاديش يكونو حتى يسالي كلشي عاد يجيو

أميمة حسات بارتياح و تبسمات الحاجة

الكوافورة : آجي نبداو بالماكياج بحرى نساليو بكري
أميمة مشات جلسات فالكرورسي و حيدات هذاك الن قاب لي لابسة

الكوافورة تبسمات باعجاب: تبارك الله غزالة

الحاجة تبسمات : الله يحجبها...تهلاي ليا فعروستي غادي نمشي نشوف شي حاجات و نرجع

الكوافورة كوني هانية الالة اصلا عروستك ماشاء الله غزالة

الحاجة خرجات من البيت و تمات غاديا لعند راجلها وقفات حدى الباب شوية كتسمع واش كاين شي صوت مسمعات والو عرفات بلي يوسف خرج فتحات الباب و دخلات

كان جالس على الفوتاي و ساد عيونو و مغوبش الحاجة تنهدات
الحاجة:تخاصمتو تاني؟؟

الحاج و هو مزال ساد عيونو: مشفتيش الوقاحة ديالو معا الدرية ؟؟الحاجة جلسات حداه و حطات يديها على يديه : شفت...شفت قلبي كيتقطع على ولدي هاذشي لي كيديرو غادي يخرج عليه

الحاج :هاذاك راه قليل الترابي خاصو لي يعاود ليه التربية (حل عيونو و تقاد فالجلسة ديالو ) ولكن تبارك الله على عروستك عجبتني الطريقة لي تعاملات معاه

الحاجة: مقدرت نقوليها والو عارفة ولدي هو لي غالط ديك التسرفيقة كان عليا أنا لي نعطيها ليه .....

الحاج :كيبان ليا هيا لي غادي دير ليه داك العقل

الحاجة تبسمات :عرفتي الحاج دخلات ليا لخاطري باين عليها درويشة

الحاج : راه واليديها ماتو فاش كانت صغيرة ..صيفت واحد من الرجال يسول عليها فالميتم من المعلومات لي عرف بلي درويشة و حنينة على ختها و ماشي بزاف فاش خرجات منو هيا و ختها الصغيرة بغا يعرف فين كانت ساكنة قالو ليه معارفينش معندهومش معلومات

الحاجة:تمنيتها لون كانت مرت حيدر ديال بصح ماشي غير اتفاقية

الحاج شاف فساعتو و ناض : كنضن هذا الوقت غادي نمشي للشركة وفاش تسالا الحفلة قوليها ليا
الحاجة: رد بالك فالطريق .......