الغرام الفاسد
118
أميمة تعصبات : كيفاش كان غلطي ؟
حيدر : نتي مكتعرفيش تهضري نتي لي نقصتي من راسك و نتي لي قلتي على راسك ديك كلمة( ع ا ه ر ة) كان بامكانك تعاودي ليا قصتك من الأول ماشي تجي ديريكت و تقولي ليا أنا لي كنت معا خووك واش سهلتيها الإنسانة لي بغيتيها تعرفها كانت معا خووك؟؟
شنو كنتي باغيا يكون تصرفي من بعد مسمعت هاذ الجملة؟؟ داك الوقت أنا ودني تسدو و عقلي كلو كان كيفكر فيك و فخويا معا بعضكووم شنو كنتي غادي تخسري لون عاودتي ليا من الأول ؟؟؟
كون عرفتي كيف تدوي معايا مكناش دابا واقفين هاكا بعاد على بعضنا .....
رجع لعندها كانت كتشوف فيه و كتبكي عندو الحق هيا اختاصرات ليه كلشي فجملة واحدة ...
تفكرات هاذيك الليلة كيف عاملها وخلاها بد مه ا و خرج
حيدر : هاكاك مشيت و رجعت عندك واخا كنت شربان ولكن كنت واعي كنت معاك فنفس الفراش مساخيش بيك كنت كنتمنا الليلة تطوال باش منفيقش من الحلم و نلقا الكا بوس ديال الحقيقة فوجهي
أميمة:داك الوقت نتا بغيتي هاذيك المنقبة ماشي أميمة لي هيا انا نتا بغيتي واحدة مكيناش فالوجووود
حيدر : غالطة و غالطة بزاف بغيتك نتي كون بغيت المنقبة مكنتش هاذ المدة كلها غادي نتسطا باش نلقاك كون بغيت أي واحدة و تكون من قبة كون تزوجت قبل منعرفك
زاد قرب ليها وشدها من ذراعها : أنا بغيتك نتي بغيت أميمة لي روحها نقية
سكت شوية عاد.كمل كلامو :بسبابك عرفت بلي الشرف و الطهارة مكيتختاصرش على العذرية ديال البنت أو المضاهر بسبابك عرفت بلي الشرف و الطهارة كيكونو فروح الانسان و فيقينو
أميمة تربط لسانها حسات باحساس غريب و هو حداها دقات قلبها تسارعو حيدر هز يديه و حاوط بيهوم وجهها حط صبعو الابهام فوق حنيكاتها على ليها وجهها و زاد قرب ليها حتى تخالطو انفاسهوم و حط فمو على شنييفاتها و باسها بحنية و بعد عليها و على وجهو ابتسامة
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
