الغرام الفاسد
79
حسات بقلبها تزمت عليها فاش عرفاتو عرفها حطات يديها على صدرو و دفعاتو بكل قوتها حتى بعد عليها و هو مزال نفس الابتسامة على وجهو
أميمة بعصبية :نتا حي وان نتا شي طان واش بعقلك واش عارف هاذشي لي كتقولو؟؟؟
يوسف بهدوء كيدوي :عارف شنو كنقول ازوينة بغيتك غذا تكوني ففراشي و فأي وقت طلبتك فيه بغيتك تجي تلبي ليا كاع احتياجاتي
أميمة :هاذيك هيا لي عمرك تحلم بيها واش معرفش راه أنا مرت خووك واش تسطيتي؟؟
يوسف : مرتو غير فالوراق و زيد هاذ الزواج ماشي حقيقي (وقرب لعندها ) غذا فحال هاذ الساعة إلى مكنتيش عندي فالبيت غادي نصيفط هاذ التصاور لحيدر و للعائلة كلها و زيييد حتى عزيز
رما ليها هاذ زوج كلمات و تم خارج مخليها كترعد
أميمة طاحت على وقفتها فالأرض و دموعها فعينيها كتبكي فصمت عاد قالت الدنيا ضحكات ليها عاد ولات تنعس مرتاحة كيفاش غادي تستحمل ترجع عند عزيز كيفاش غادي دير مستعدة دير أي حاجة إلا أنها ترجع لداك الج حييم لي كانت فيييه
بقات هاكاك مدة و هيا كتفكر كتشوف راسها محطوطة بين نارين يادير لي بغا أو يقولها لحيدر و عزيز كلشي فيديها و هيا لي خاصها تقرر
عند حيدر كان فبيروه جالس ساد عينيه و مرجع راسو اللور كيفكر فأميمة شنو غادي يدير معاها صورتها مكتفارقش بالو واخا مجلسش معاها بزاف مكينش شي مواقف دازت بيناتهوم كاع كلامهوم عادي ولكن يمكن نقولو زينها خلاه ميفكرش فشي واحدة آخرة بقا مدة هاكااك كيستجمع افكارو صاف ليوم يدوي معاها ليوم غادي يرجع زواجهوم حقيقي مبقاش قادر يخليها بعيدة عليه
وصل الليل كان داخل للدار و هيا توقفو بصوتها
أميمة:حيدر
حيدر ضار لجيهت الصوت كانت فالجردة كتسناه تبسم ليها و زاد جيهتها
حيدر : شكديري هنا فهاذ الساعة ؟؟
أميمة :كنت كنتسناك باغيا ندوي معاك فواحد الموضوع
حيدر : حتى انا باغي ندوي معاك زيدي ندخلو للبيرو و نهضرو
أميمة حركات راسها بآه و تمات غاديا كل خطوة كتحس بقلبها كيزيدو دقاتو
غير جلسو و هو يدوي
حيدر : فاش بغيتي دوي معايا؟؟......
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
