الغرام الفاسد🖤مكتملة🖤

🖤الجزء 86🖤

الغرام الفاسد

86

كانو عايشين اللحضة ناسيين العالم كان كيعاملها بطريقة حنينة فالفراش من شحال هذا منعس معا شيواحدة بهاذ الطريقة كل بلاصة داز منها كيخلي وراها علامة ملكيتو مخلا حتى بلاصة مقاصهاش فيها و أميمة مستسلمة لييه خوات راسها من طلع المشاكيل صاف لي ليها ليها بقاو هاكاك حتى صبح الصباح عاد تكى حداها معنقها و نعس ...

أميمة كانت معنقاه و سادة عينيها مساخياش تنوض من حداه بقات هاكاك حتى تأكدات بيه نعس عاد ناضت من بلاصتها لاويا عليها ليزار ضارت جيهتو و تبسمات و عيونها باين عليهوم الحزن دخلات للدوش و خدات دوش خفيف بالزربة و خرجات لقاتو مزال ناعس دخلات للبيت التبدال لبسات عليها حوايجها و دارت فوق منهوم داك النقاب

خدات ساك متوسط دارت فيه زوج تبديلات و خدات حوايجها لي جات بيهوم أول مرة و خرجات بقات شحال كتشوف فيه مساخياش ولكن عارفة فاش غادي يفيق غادي يتقلب عليها من الأحسن هيا لي تسبق خرجات من البيت و سداتو بشوية و خرجات

بدا كيحل عينيه بسباب الشعا ديال الشمس لي داخلة من البالكون حتى فيكسا عينو فالسقف كيتذكر داكشي لي وقع البارح ناض قافز كيشوف معا جنابو هو فبيتها آه اذن مكنش كيحلم ناض بالزربة كيلبس عليه قبل متشوفو .....

دقائق كان خارج من الدار راكب فطوموبيلتو مكسيري حتى وقف حدا الاباغطومو ديالو طلع حل الباب و دخل ....

خدا دوش و مشا جلس كيفكر فهاذشي لي دار كيفاش مشا عندها كيفاش ضعف حداها كيف وقع ليه......
شاف فتيليفونو لي كان كيصوني لقا نمرة الحاج تعصب هو سبابو فهاذشي خدا تيليفون و قطع عليه و طفاه

رجع راسو اللور كاره راسو كيفكر كيفاش نعس معا واحدة ديجا نعسات معا خووه سد عيونو و رجع بذاكيرتو قبل ب 8 سنين ....