الغرام الفاسد🖤مكتملة🖤

🖤الجزء 97🖤

الغرام الفاسد

97

كان غادي للدار باغي يشوفها و يدوي معاها من لي كان مسافر وهو كيفكر فيها كيحس بالشمتة ضحكات عليه و لعبات عليهوم ..

وصل حدا الباب و سطاسيونا الطوموبيل داخل كيقلب عليها بعينيه حتى لمح الحاجة جالسة فالصالون و فيديها التسبيح
مشا لعندها و باس ليها راسها
الحاجة: على سلامتك اولدي
حيدر : الله يسلمك الواليدة (سكت شوية كيقلب عليها بعينيه) الواليدة أميمة واش فبيتها؟؟
الحاجة بأسف : لا أولدي راه مبقاتش ساكنة معانا
حيدر :كيفاش؟؟ فيناهيا؟؟
الحاجة: علاش مقاليكش الحاح بلي ختها فاقت
حيدر : لا مقال ليا والو
قاطعو صوت من وراه : معندنا منديرو بالموسخات فدارنا الاتفاق لي كان بيناتنا تسالا
حيدر عرفو عرف بماضيها شاف فيه و دوى بعصبية :شمن اتفاق لي سالا ؟؟
الحاج مدليه الورقة لي سينات أميمة : هاهيا الورقة ديال الطلاق راه سيناتها مزال غير معا تسينيها باش نفضيو هاذ الشي
حيدر شاف ديك.الورقة و قبل شنو فيها هبط بعينو لتحت كيلقا السينياتور ديالها كمش الورقة بين يديه ونطق: ماشي لي قلتيها الواليد غادي نديرها وهذا راه زواجي أنا ماشي نتا
الحاج بعصبية : واش باغي تخلي موسخة على سميتك وتمرمد لينا شرفنا
حيدر جاوبو بحدة : نتا لي زوجتيني بيها فالأول نتا لي ختارتيها ولكن ماشي من حقك تقرر شنو غادي ندير فحياتي

خلاهوم و خرج هاذيك الساع باغي يمشي للكلينيك يشوفها ماشي بالساهل تهرب من هاذشي لي دارت باغي يعاقبها على الكذوب لي كذبات عليهوم و على الخداع لي خدعاتهوم حالف بحلوفو غادي يمرمدها و يكرهها النهار لي جات عينيها فعينو
وصل للكلينيك طالع بالزربة للشمبر لي كانت فيه ختها حلو لقاه خاوي رجع لعند واحدة من الممرضات و سول عليها الممرضة قالت ليه بلي هاذي كثر من 3 ديال الساعات باش خرجو

حيدر بعصبية ضرب يديه معا الحييط حتى تخلعات ديك الممرضة
حيدر :فين غادي تمشي غادي نلقاك نلقاك
تم خارج جافبالو عزيز غادي تكون رجعات عندو اصلا القح اب يضورو يضورو ويرجعو لعويدهوم هاذشي لي كيقول ليه بالو
خرج تيليفونو من جيبو باش يشوف نمرتو و هو يبان ليه كثر من 20 صونيت من عند صاحبو الكوميسير
كمش حجبانو أول و جاوب
حيدر : كاين شي منقضيو؟؟
الكوميسير : حيدر فينك؟؟
حيدر : علاش ياك لاباس؟؟
الكوميسير : يوووسف
قاطعو حيدر بالزربة و هو مخلوع على خوه :يووسف؟؟ مالو؟؟