الغرام الفاسد🖤مكتملة🖤

🖤الجزء 105🖤

الغرام الفاسد

105

كان فالبيرو ديال عزيز هو و الكوميسير كيقلبو دوك الوراق لي عندو تصدمو من داكشي لي لقاو من غير الد عا رة لقاو حتى التجارة ف الأع ضاء اب بنت كانت فالميتم متصلحش تكون عاهرة كياخداها للمستشفيات يديرو عليهوم تجارب أو يبيعو اعضا ئهوم...

لقاو عند عزيز كثر من 4 ديال ديور الأيتام كلها خاصة غير بالبنات مكينينش الولاد....
حيدر شاف واحد الخزانة كبيرة مسدودة شاف جيهت عزيز وتم غادي ليه جارو من الكول ديالو كيف الحولي و نطاق بحدة
حيدر :فتح هاذ الزبل
عزيز جبد ساروت من جيبو بزز ومدو ليييه كان كلو د م و ضرابي عينيه منفوخين بزوج و نيفو تهرس
حيدر خدا منو داك الساروت وحل ديك الخزانة و هنا زاد تصدم كانو بزاااف ديال السيديات كل سيدي عليه سمية شي بنت وراجل خداهوم مشا للبيرو
الكوميسير شاف فيه : شوية يوصلو البوليس
حيدر حرك راسو بآه و خدم واحد السيدي من دوك السيديات كانو تسجيلات حقيقية ديال البنات معا دوك الكليان عزيز داير كاميرات مخزونين فدوك البيوتة
السيدي لي اف حيدر كان لبنت صغيرة مزال معندها حتى 8 سنين حس بالدرة و الاشمئزاز الكوميسير جالعندو و شاف حتى هو
الكوميسير : ولد الح رام حتى من القاصرات معتقعومش(وشاف فييه ) كنواعدك معمرك غادي تشوف الضو

حيدر حيد داك السيدي و ناض كيقلب فدوك السيديات كلهوم على سمية أميمة لقا كثر من عشرين سيدي بهاذ الاسم
شاف فالكوميسير و نطق : سيري جمع الادلة لي كتحتاج..بلا متبقى واقف فوق راسي ...مكانش باغيه يشوف أميمة فشي اوضاع مخلة
قلب طلع دوك السيديات والو اميمة مكنتش فيهوم بقا ليه غير سيدي واحد كان مكتوب فيه سميتها و سمية عزيز
بلا ريقو و خدمو و هنا زاد تصدم كان كيشوفها كيفاش كترغب فيه و تزاوك باش ميقيصهاش كيشوف كيف مرحمهاش و نهش لحمها حيدر ضرب داك البيسي بيدو حتى جا مشتت فالأرض و ناض ليه باغي يكمل مابدا بزز الكوميسير شدو و دخلو البوليس ديك اللحضة....
حيدر بعد عليه و هو كيتحلف : والله غادي نخليييك تبكي الد م على هاذشي لي درتي غادي نخليييك تمنى الم وت
كان كيدوي بالجهد باغي يتلاح عليه ولكن كانو البوليس شادينو و البوليس آخرين مشاو دارو لعزيز المينوط و خرجوه عاد طلقو لحيدر
حيدر قاد حوايجو و مشا خدا داك السيدي ديال أميمة و شاف فالكوميسير :هذا أنا غادي ناخذو و نتا دير شغلك
قاليه هاذ زوج كلمات و خرج عيونو حمرين كل خطوة كيديرها كيتفكر داكشي لي عاشتو اميمة فديك الليلة المنحووسة
ركب طوموبيلتو و شدو عيونو كيتنهد و كيرخف الكرافاط من عنقو.....

شبان ليكوم فهاذشي لي شاف حيدر؟؟واش هاذشي كافي يخليه يقلب على أميمة؟؟