الغرام الفاسد🖤مكتملة🖤

🖤الجزء 7🖤

🖤🥂 الــغـرام الـفـاســد 🥂🖤
فكرة وإشراف : ندى علامي
بقلم : شيماء عمراوي

الجزء 7

شاف فساعتو كانت 12 ديال الليل عاد قال
يوسف : لا ماغانجيش ... صافي ماتخافش ماغايوقع والو..
قطع الإتصال ورجع عينيه ناحية أميمة فين كانت جالسة ماغايلقاهاش فبلاصتها .. بدا يدور راسو كايقلب عليها فأنحاء لملهى حتى كاتقاطعو نعمة
بتساؤل : على ياش كاتقلب
بقا كيشوف فيها شحال عاد جغم من كاسو : ديري خدمتك..
رجع براسو اللور مغمض عينيه وهي زادت زحفات لعندو حتا تلاصق فخضها مع رجليه مافهماتش منين جاتها هاد الجرأة ولكن كايبان ليها هاكا هو الصواب.. بقات كضحك وتلمس مرة فصدرو مرة فكثفو ولا وجهو .. هو استحلى لامساتها وبدون ماينطق بحتى كلمة .. شحال عاد فتح عينيه ورجع بذاتو للقدام... طفا گاروه فطفاية وكمل لي بقى من كاسو و ووقف وهو هاز حاجبو كيشوف واش كولشي هو هاداك, تليفونو دارو فجيبو وسوارتو فيديه وبزطامو ماخرجش من الجيب وزاد فحالو ومرة مرة يهز عينيه يشوف واش بانت ليه ماعرفش أش جاه عليها .. ماعبرش هاديك لي حداه حاضياه ومتبعة ليه العين ... خرج مع لباب ديال الملهى و غير حط رجليه على برا ضرب فيه برد قوي خلاه يفتح عينيه كثر من قبل ويفيق شويا دقائق وهو هاكاك حتى برك على لكونطاكط ديال سيارتو وهو يشعل ضوء سيارة الرياضية من نوع بي ام دبليو, تحرك لناحيتها حلها وطلع فيها ثواني حتى كان ديمارا الطموبيل لوجهتو ولموسيقى هادئة شاعلة كادندن..

عند أميمة كانت جالسة مامرتاحاش وغير حادرة راسها حاسة بالعينين عليها خلاوها تفرك يديها مع بعضهم بالثوتر وتبدا تنزل فلكسوة لي كطلع ليها مع فخاضها كل مرة حتى جات عندهم صباح غير شافوها وقفو
صباح : إيمان (كاتشير لواحد الطبلة) تحركي سيري لديك الطبلة حدا لبنات بان ليا واحد لكليان بوحدو
ردات : واخا (مشات)
صباح : ونتي أ أميمة غانبدلو شويا وغانعطيك مهمة أخرى كيف قال ليا سي عزيز .. غاتبداي تسربي للكليان أي حاجة طلبوها نفديها بالحرف وفنفس الوقت عينيك ماتغفلش على لبنات كيفاش كايتصرفوا ويخدموا باش من هنا لقدام تعرفي كولشي..

هزات راسها بواخا .. وهي رجعات قالت قبل ما تمشي
صباح : يالاه بداي

تحركات أميمة لعند لكليان كادخل و تخرج بيناتهم كاتاخد الطلبيات وتنفدها من بعد ما كتعطيها للبارمان .. دغيا فهمات وشدات الخدمة فعقلها واخا كثر عليهم التزلال وهي كاتسربي.. كانت كاتحس بلعالم ماشي عالمها ولكن كتحاول تقوي راسها واخا أحاسيس الرعبة متملكاها ... داز الوقت وهي مزال كاتخدم لا هي لا لبنات... غافلة على عين عزيز لي حاضياها من ورا الكاميرات كيفاش كاتحرك وتصرف وتمشي وتجي وفكل مرة لكسوة كاطلع ليها حتى كاتقرب مؤخرتها تبان ..كايزومي عليها وهو حس براسو مزير ومشهيها .. بقا هاكاك حاضيها ماعياش..

دازت الليلة ديال لبنات بالضحك وتلواط خلاو الكل يلتافت ويرد لبال لوجودهم .. الشهوة و الغريزة فاضت على جالهم .. طلعو فحالهم للبيت وهوما عيانين ... بداو كايبدلو فحوايجهم حتى كايقفزو ويشهقو بلباب لي تحل ودخل منو عزيز بلا مايتسوق .. خلاهم كايرعدو فبلاصتهم بصدمة وهوما شبه عريانين
عزيز : خرجوو
بداو كايخرجوا وحدة مور وحدة حتى كايسمعوه هضر تاني كايخاطب أميمة
- خليك نتي

هزات راسها كاتشوف فيه علاش هي بالذات ، كانت لابسة دوپياس فلأسود مشبكين عطاوها منظر مثير .. بدا كايتحرك ناحيتها وهي كاترجع باللور وكل خطوة كايدرها هو هي كادير زوج حتى تردخات مع لحيط لي حبسها خلاها تغمض عينيها...
وصل لعندها وهو كايضحك ماوقف حتى لاقا صدرو مع صدرها وحط يديه على فخضها طالع بيها كايتحسس فذاتها وهي كاتبلع فريقها خلاها تكرز على يديها وتقلب وجهها لليسر مكرهّاا وهو يديه خدامين ما وقفوا حتى حطهم فلفرقة ديال صدرها هابط معاها بصبعو وعينيه كايتمنظرو فيها ثارتو بجهدد

عزيز بصوت خافت : فين غاديا بهادشي كامل أمم
ماجاوباتوش باقا كيف ما هي ورجليها فشلو عليها
عزيز : شوفي فيا
ضورات وجها بتتاقل وجات عينيها فعينيه وقالت بصوت داخلة فيه الخلعة
- سمح لي عفاك راني عيانة
غفلاتو وتنصلات من تحت يديه وتحركات مبعدة عليه وهي كاتشوف فيه
شاف فيها بحدة: غاندير بحساب أول ليلة ديالك هنا ... حيت من بعد ماكنحملش لي تمنعني على شي حاجة، ماتخلينيش نحطك فراسي..
مخرجة عينيها من كلامو : ياك انت درتيني غير كانسربي..
عزير : درتك كاتسربي وماعطيتكش لكليان غير باش ندشنك أنا اللول (بنبرة مستفزة) من بعد غاتولي بحالك بحال غيرك

خلاها كاترعد فبلاصتها من لهضرة لي قال وخرج وتيليفون فيديه كايدوز نمرة سعيدة..
سعيدة : ألو سي عزيز .. لوراق ديال لبنات الجداد لي دخلو للميتم راهم واجدين كيف طلبتي
ماداهاش فكلامها : أميمة
سعيدة : ياكما دارت شي حاجة ... هاديك راه راسها قاصح خاصها الترُوض
عزيز : إلى راسها قاصح نرطبوه ... كنتي قلتي ليا عندها ختها !!
سعيدة : أييه أسي عزيز عندها سميتها ملاك
تبسم : من هنا ليوماين بغيتك تكوني نتي وياها عندي..
قطع عليها وكمل طريقو ويديه فالجيب دسروال ..

#يــتبع 🔥
شنو بان ليكم فهادشي 🆙