الغرام الفاسد🖤مكتملة🖤

🖤الجزء 41🖤

الغرام الفاسد

41

كان فبيرووه جالس كيحاول يقاد الكاميرات و يشوف واش يقدر يلقا شي واحدة صورات ولكن والو بدون نتيجة حتى سمع الدقان فالباب و دخل واحد من ليكاردكور

عزيز : لقيتو شيحاحة؟؟
الكاردكور : ملقينا والو ولكن وصلتني واحد الخبار بلي شي واحدة ضرباتها طوموبيييل من جيهت الطريق لي ورا الغابة
عزيز غير سمع كلامو و هو يتقاد فالجلسة ديالو : عرفتوها شكون؟؟ وشمن سبيطار مشات؟؟
الكاردكور: مزال عاد غادي نقلبو

عزيز بعصبية ملي مزال عاد غادي تقلبو شنو كتسناو سيرو شوفو شكون هيا متخليو حتى سبيطار متفتشوش فيه و حتى من الكوميساريا سيرو قلبو ولكن متخليوش شي حد يشك فيكوووم
الكاردكور حرك راسو و خرج
عزيز ناض من بلاصتو و مشا جيهت الشرجم وقف بقا مدة و هو هاكاك كيفكر ولكن مقدرش يتسنى خدا سوارتو و خرج حتى هو يقلب

بدات كتحل عويناتها كتستوعب فيناهيا عاد تفكرات شنو وقع معا ختها و هيا تنوض بالزربة حتى حسات بالدوخة شدات فراسها و سدات عويناتها حتى حسات بيد فوق كتافها
علات عينيها كتلقى مرى كبيرة شوية كتشوف فيها بأسى

أميمة : شكون نتي ؟؟

الحاجة حشمانة من راسها : انا مامات الولد لي ضرب ختك

أميمة غير سمعاتها شنو قالت و هيا تدفع ليها يديها مبعداها عليها

أميمة بعصبية : و عندك الوجه تجي عندي و نشيد فيا ؟؟ فيناهوا داك المج رم فين مشا؟؟ والله حتى ندخلو للحباسات فين يتربا

الحاجة : أنا عارفاك بالك معا ختك و عارفة بلي باغيا تاخدي حقها و عندك الحق ولدي غلطان و بزااف يستاهل ألم و ت ماشي غير الح ب س ولكن القانون مغاديش ياخد ليك حقك و ماشي الحبس دولدي هو لي غادي يجيب ليك حقك ..........