الغرام الفاسد🖤مكتملة🖤

🖤الجزء 107🖤

الغرام الفاسد

107

جا نهار جديد لي كان بداية جديدة للبنات مشات أميمة و صباح لواحد الجمعية كيعلمو الحلويات و البنات بقاو فالمحل خدامين

تسجلات أميمة و صباح و سجلو معاهوم حتى البنات و تقاسمو أميمة و رقية و حفصة غادي يمشيو الصباح و حفصة و صباح و فاطمة الزهراء غادي يمشيو فالعشية باش هاكا يبقاو خدامين و فنفس الوقت كيقراو

رجعو للكاراج لقاو البنات كيغسلو دوك المقالي و الكصريات حيت سالاو
جلسات أميمة كتشوف فختها و تحسرات
أميمة: دابا حتى بلاكارطات ديالنا باش تسجلنا ولكن ملاك غادي تضيع من قرايتها
صباح تبسمات و ناضت غاديا لجيهت حوايجها جبدات شي وراق و نطقات
صباح : فاش كان عزيز كيجيب البنات كان كيعطيني وراقهوم نتكفل بيهووم
حطات ليها دوك الوراق حداها و كملات كلامها :هاذو ديال ملاك فيهوم شهادة الازدياد ديالها و حتى فين كانت كتقرى عزيز كان عطاهوم ليا و نهار لي كنا غادي نمشيو لمراكش دويت معا واحد البنت تجيبهوم ليا حيت كنت عارفة غادي نهربو و كنت عارفة غادي نحتاجوهوم
أميمة شدات دوك الوراق حلاتهوم كتقلب ورقة بورقة و تبسمات ناضت من بلاصتها معنقة صباح
أميمة:شكرا لييك أختي والله نتي ممنكش زوج
أميمة شافت فملاك و نطقات : يتسالا الصيف و غادي نمشي نسجلك فالمدراسة صافي .....

وصل الليل كانت متكية فبلاصتها سادة عينيها و تفكيرها معاه كانت كتفكر لحضاتهوم معا بعضهوم مندماتش حيت سلماتو راسها حلات عينيها وهيا حاطة يديها على قلبها توحشاتو بزاف مكرهاتش كون رجع بيها الزمان للنهار لي كانت بين احضانو

ناضت من بلاصتها كتلعن فراسها كيفاش كتفكر فشي حد نعتها ب عا هرة و قح بة و طيح من شرفها.....
مشات لجيهت السرجم حلاتو كتشوف الشارع خاوي بقات هاكاك كيضرب فيها البرد و افكارها مشتتتين غير معا حيدر ....

أما حيدر ولا من الصباح و هو كيقلب عليها باغي يلقاها والو تقول ذابت معرفش فين غادي يمشي أو يجي معرفش فين غادي تكون مشات لي عارف خاصو يلقاها ولات مستحوذة على افكارو......