الغرام الفاسد
52
عاد شافت فالبيت و كدستكشفو بعينيها كان جناح كبير لونو فالباج و الكحل من الفراش للون الحيوطة كلشي كان مرتب بلاصتو و كيشعل تمشات جيهت واحد الباب و فتحاتو كتلقا حمام كبير فيه جاكوزي لي كان عامر و فيه الورد فحال داكشي لي كانو كتشوفو فالأفلام دورات وجهها و هيا تشوف باب تاني مشات ليه تشوف شنو فيه حلاتو و هيا تلقى بيت ديال التبادل كان مجهز فحالا كانو عارفينها جايا دخلات كتشوف فدوك الحوايج كتلقى أشكال و ألوان ديال لباس المنقبات كانو معلقين و مستفين على حسب درجة اللون و حتى من البيجامات كانو المستورين و المعريين لي بغات كاين و فجيهة كانو سبيبطات أرضيين ديال المحجبات مستفين فالألوان كلشي كان فداك بيت ديال التبدال مواتي لشيواحدة متدينة لي دبصح محجبة و منقبة.....
لمحات فراس ديال بيت التبدال واحد الباب بالخامية مشات اتجاهو و طلعاتو و هنا توسعات ابتسامتها كان ركن ديال الصلاة بلاصة فيها سجادة و القرآن و تسبيح كانو فاللون الوردي
للحضة تمنات كون دبصح كانت منقبة دبصح كانت كتصلي ياريت كانت تابعة طريق الله واخا كانت فالميتم عمرها ركعات أو شدات القرآن فيديها
رجعات للبلاصة ديال الحوايج خدات بيجامة من دوك البيجامات و خدات فوطة وخرجات لجيهت الدوش تدوش كتحس براسها تع فنات
حيدات دوك الحوايج لي كانت لابسة و خشات وسط داك الجاكوزي و جلسات .....
كتحس بداك الما السخون كيدغدغ ذاتها و حسات براحة......
لتحت كان جالس فالصالون و عيونو فالباب كيتسناهوم يدخلو... دقائق و هو يلمح باه
ناض من بلاصتو و تمشى لعندو و دوا
حيدر : الوالييد ها انا كملت الوعد ديالي و دابا نوبتك
الحاج شاف فمرتو: دخلي (وشاف فحيدر ) واش داوي على الج ثة؟؟
حيدر :فيناهيا؟؟
الحاج :تصرفت فيها
حيدر :المعنى؟؟
الحاج :خوي راسك دابا من هاذشي و سير لبيتك عروستك كنتسناك
حيدر مدواش معاه خلاه واقف و تم خارج للجردة جلس و خدا سي جارة شعلها و فراسو ألف مطرقة و مطرقة ....
لفوق كانت سالات الدوش و لبسات عليها بيجامتها كتحس بالراحة داتها كانت محتاجة لهاذ الدوش
تمشات لجيهت ناموسيتها باغيا تنعس ولكن شافت البالكو مفتوح تبسمات و تمات خارجة ليه تشم شوية ديال الهوا....
كان ديكور زوين ديال ديك النافورة و دوك الضواو لي فيها كان كل بلاصة خارج منها الماء فلون و داك الصوت لي كدير فحال ديال الشلال وقفات تماك و سدات عينيها مستمتعة بصوت الما و داك البرد الخفيف لي كيضرب فوجهها و كيلعب فشعرها غافلة على دوك العينين لي كانو حاضيينها و مصدومين منها........
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
