الغرام الفاسد
76
جالس و مجموعين عليه الدريات كل واحدة كتهافت عليه من جيه مكرهاتش هاذ الليلة يدوزها معاها عارفيناه بوكو عاقة و عارفين إلى برعوه غادي يتهلى فيهووم و إلى عجباتو شي واحدة كيديرها ديال ديما و نهار لي طلع ليه فراسو يشوف شيواحدة آخرة ولكن كيكون برعها فلوس واخا يبدلها ماشي مشكيل كتكون جمعات من وراه شي حصيصة
كان كيجغم من كاسو و عيونو كي الذييب حاضييناه من البعد شنو كيدير فين كيمشي و فين كيجي حالف فيه و مغاديش يدوزها لييه إلى كانو فلوس واليديه هوما لي غطاو ليه على جر يمتو و مخداش عقابو لي يستحقو كاين هو لي غادي ياخد حقها مثني و متلت
هز تيليفونو كيشوف فدوك التصاور كيقلب فيهوم كانت بدوبياس فالحمر كيتأمل فيها مكرهش يذوقها تبسم و رجع تيليفونو لجيبو و شاف فواحدة من هاذوك لي كانت جالسة جنبو و حاطة يديها على المعلم
يوسف حط يدو ورا عنقها و قربها لعندو بالجهد ملتاهم شنيفاتها لي كانو بمذاق النبيذ
كان كيبوس و كيتبنن بعد عليها و نطق ببحة فصوتو غالبة عليه السكرة : زيدي نطلعو لفوق نكملو
ناضت شادة ليه فيديه غاديين طالعين و هيا فرحانة اخيرا من نصيبها
غير سدات الباب و هو يجرها عندو كيبوس و يعض عضيضات صغار ...حاكمها معا الحييط يد كتمعس فترمتها و يد فصدرها غاطس فشهواتو مهاموش يموت شي حط أو يعيش هو عندو أنا و من بعدي أنا ......
صباح الصباح كيف العادة كانو مجموعين كيفطرو الحاجة و الحاج و أميمة معاهوم ولفاتهوم هاذ الوقت و بدات كتحس براسها ماشي غريبة كتحس بالأمان ناقصها غير ختها صاف ...
فاش كتبغي تاكل كتدور وجهها للجيهة آخرة و طلع نيقابها شوية و تاكل...
حتى قاطعاتها الحاجة: بنتي كنضن كاين غير أنا و عمك الحاج حيدي داك النقاب باش تاكلي على خاطرك
أميمة : لا اخالتي غير خليني هاكا
الحاجة: كتبانيلي ممرتاحاش فمكلتك
أميمة بابتسامة من تخت نقابها : بالعكس مرتاحة
الحاج شاف فمرتو : خلي الدرية على خطرها ( و شاف فأميمة ) ولفتي شوية ؟؟
أميمة حركات راسها بآه بلا متنطق حتى قاطعهوم صوتو:صباح الخير
الحاجة تبسمات ليه : هشام ولدي
هشام بابتسامة باس ليها على راسها و سلم على الحاج و شاف جيهت أميمة مد ليها يديه باش يسلم عليها علات عويناتها لجيهتو و شافت فيدو قبل مدير شي ردة فعل كان واقف حداها و حط يدو على يد هشام كيسلم عليه
CZYTASZ
الغرام الفاسد🖤مكتملة🖤
Romans💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
