الغرام الفاسد
57
بقاو جالسين كيتسناو اشارة من صباح .... دقائق و هيا تغمز لواحدة من البنات باش يبداو الخطة ديالهوم
البنت قربات للزاجة لي كطل على الشيفور و دوات : بغيت ندخل الطواليط
الكاردكور لي جالس حدى الشيفور جاوبها : مكينش نزول حتى نوصلو
حفصة : ضاروري خاصني ندخل مغاديش نقدر نصبر
الكاردكور :قلت لك.مكينش نزووول
حفصة شافت فصباح هاذ الأخيرة لي كتدوي معاها غير بتعابير دوجهها باش دير شي حاجة
حفصة سكتات كتفكر عاد رجعات تدوي : غادي نديرهوم فسروالي
الكاردكور: ديري ماشي مشكل ( كان كيجاوبها ببرود كاع ممسوق ليها )
حفصة :غادي تقدر تشم الريحة من هنا ل مراكش؟؟؟
الشيفور نطق : هيييه غادي نزلوك عنداكي توسخي ليا طوموبيل
الكاردكور شاف فيه : واش هبلتي غادي توقف هنا؟؟
الشيفور : اشنو غادي يديرو اصحبي هنا غير الخلا معندهوم فين يهربو شوف ليها شي شجرة تقضي الغراض
بقا مدة غادي حتى بعد على محطة الإستراحة عاد وقف فجنب الطريييق
نزل الكاردكور غادي يحل ليها الباب باش تنزل ....غير فتح الباب كانت حفصة موجدة فيديها ديك القرعة لي كيطفيو بيها العافية عطاتها ليه للراس حتى جا طايح فالأرض
و بسرعة كانت صباح محيدة الشال لي كانت لابساه و دوزاتو على عنق الشيفور مزيراه معا الكوسان بكل جهدها و رقية معاوناها بقاو هاكاك حتى حسو بيه ترخى
حيدات يديها بسرعة و مشات نازلة من البيكوب لجيهت الشيفور
فتحات الباب و حيدات ليه حزام السلامة قلبات ليه جيابو لقات شي فلوس خداتهوم ليه و شافت فالبنات
صباح بأمر : واش غادي نبقاو هاكاك كتشوفو فيا سربيو اجيو عونوني بالزربة قبل ميشوفنا شي حد
رقية مشات لعندها بالزربة خرجو الشيفور و حطوه جنب الطريق و رجعو لعند الكاردكور حتى هو قلبو جيابو و خداو داكشي لي لقاو عندو و لاحوه حدى الشيفور عاد رجعو البيكوب
صباح ركبات جيهت الشيفور و رقية حداها و البنات اللور
ثواني كانت مكسيرية مخليا العجاج وراها
حفصة :واش كتعرفي تسوكي مزيان؟؟
صباح كتسوك و هيا كترعد : آه كنعرف
نعمة خيفانة كتدوي :ناري البنات ق ت لناهوم
صباح :اللهم نفطرو بيهوم قبل ميتغذاو بينا
نعمة : ودابا شنو غادي نديرو؟؟
صباح نوصلو لكازا و داك ساع نشوفو موهيم نبعدو عليهووم
ESTÁ A LER
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
