الغرام الفاسد
فكرة وإشراف ندى علامي
بقلمي سكينة البقالي
24
حيدر تبسم قرب ليها و باس على راسها : الواليدة كيف بقيتي
الحاجة:بيخير اولدي ولكن فين هاذ التعطيلة؟؟واش مكتعرفش باك عندو الوقت هو الوقت
حيدر شاف فالساعة و نطق: كانت عندي خدمة كثيرة ساليت معطل
قاطعهووم صوت من بعيد : قول بلي كنتي كتفتش على خوووك؟؟ هذا المرة شمن قرينة لقيتيه؟؟
يوسف :الواليد واش اي حاجة وقعات أنا سبابها
حيدر شاف فيوسف وخرج فيه عينو باش يسكت هاذ الأخير لي حرك كتافو بعدم مبالات و مشا جيهت الطابلة و جلس
الحاج شاف فيه شوفات ماشي تالهيه عاقد حواجبو مجاوبووش
مشا ديريكت لبلاصتو و جلس و شاف بالحاجة:حطي العشا راه مشا الوقت
الحاجة بلعات ريقها و شافت فالخدامة باش تبدى تقاد ليهوم فالطباسل و شافت فحيدر باش يجلس
كان السكات هو سيد المكان كيتسمع غير صوت الفورشيط و الموس فالطباسل حتى نطق
حيدر و هو مزال كيقطع فالستيك ديالو: الواليييدة هاذييك خيتي صافي ساليت معاها مابقا بوزواج
الحاجة شافت اتجاهو كتلقاه كيدوي ببروود و كياكل : كيفاش اولدي؟؟ راه العرس مبقاش ليه بزاف
حيدر :مكتناسبنيش ماشي هيا الانسانة لي باغي
الحاجة : ولكن اولدي .....
وهو يقاطعها الحاج: خليه على راحتو نو عارف مصلحتو ايمتا
الحاجة تجمعو الدموع فعينيها :ولكن انا بغيت نشوف حفادي و نهزهوم بين يدي
يوسف بابتسامة: ماتخافيش الواليدة أنا لي غادي نجيب لييك الحفاد انشاء الله(ونغز حيدر من كتفو و على وجهو ابتسامتو )
الحاج :نتا كتعرف تجيب لينا غير المصايب و الفضايح باقي ليك غير الزواج
يوسف طلعات عليه الحمورة و حنا عينو لجيهت الطبسيل ودوا بهمس: بغينا غير نضحكو معاكوووم
الحاج بصرامة :عاد عندك الوجه ديال الضحك و نتا كل مرة فقرينة فشكل كتجمع عليك غير السكايرية كل نهار مبهدل بينا فشي قنت و خووك نهار وماطال و هو تابعك كيغطي على أغلاطك و مصايبك
حيدر حط ديك الفورشيط من يدو و نطق :هانتا قلتيها الوالييد أنا لي كنضل تابعو يعني أنا لي مسؤول علييه خليه يعيش حياتو كيف بغا ....
الحاج بعصبية : نتا ديما دافع علييه و خبي أغلاطو حتى يجي النهار ويدير شي موصيبة أو ي..قت..ل شي رووح(وشاف جيهت يوسف )داك ساع كون أكيد بيدي غادي نسلمك للبولييس
حيدر :الوالييد أنا قلت لك انا كنتحمل مسؤوليتو و كييف قلتي واخا يطيح روووح أنا لي غادي نتحمل مسؤولية ديك الرووح كون هاني .........
الحاج بغا يدوي و هو يقاطعو حيدر :الوالييد كنقولو فوقت الماكلة مندويوش
الحاج اكتفا بتنهيدة و سكت..........
CZYTASZ
الغرام الفاسد🖤مكتملة🖤
Romans💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
