الغرام الفاسد🖤مكتملة🖤

🖤الجزء 81🖤

الغرام الفاسد

81

بقات ساكتة مقدراش تجاوبو صاف فشلها و زاد صعب عليها تقولي الحقيقة
أما حيدر كان كيشوف فيها كيتسناها غير تنطق
ستجمعات قوتها و بعدات عليه شوية عاد نطقات
أميمة : قبل من أي حاحة ضاروري خاصني ندوي معاك فواحد الموضوع
حيدر :جاوبيني على سؤالي من بعد دوي فاش مابغيتي ( وحط يدو فوق يديها)
أميمة كتحس بحلقها ناشف شافت جيهت البيرو بانت ليها واحد القرعة تماك : بغيت نشرب
حيدر ناض جاب ليها الما و عطاه ليها
أميمة حلات ديك القرعة و شربات منها بالزربة و حطاتها حداها
حيدر بصوت حنين و هادئ عكس شخصيتو لي كيشوفوها الناس كلهوم رجع حط يدو على يديها : مالكي؟؟ شنو واقع ؟؟
أميمة عضات على شفيفها و نطقات
أميمة : عقلتي على النهار لي جيتي عند خوك للبار ديال عزيز ؟؟؟
حيدر عقد حجبانو كيفاش البار و كيفاش عزيز؟؟ شنو دخل هاذشي فموضوعهووم كانو هاذو هوما الأسئلة لي فبالو
أميمة بلعات ريقها و كملات كلامها : أنا هيا ديك البنت لي كنت معا خوك فالبيت
حيدر غير مع كلامها تصدم بعد يدو عليها و هو مخرج عينيه شنو كتقوول هاذي ...شنو كتخربق؟؟ كيحس بودنو كيطنطنو علييييه..
بعد عليها و نطق بصوت متردد كيتمنا داكشي لي سمعو داباعاد يكون غير كذوب أو مسمعش مزيان : كيفاش ؟؟ عاودي شنو قلتي ؟؟
أميمة مدات ستجمعات قوتها و عينيها مغرغرين بالدموووع: أنا هيا ديك العا هرة لي كانت معا خوك ديك الليلة
حيدر كيشوف فيها كيشوف فملاميحها كيقارن ملاميحها معا ملامح هاذيك لي كانت معا خوووه
ناض من بلاصتو غادي لجيهت الشرجم و كيحل فالكرافاط كيحس بالتنفس ديالو ضياق و كيحس بالصهد

وقفات كتشوف فيه عاطيها بالضهر حتى صدمها فاش سمعاتو كيضحك
كان كيضحك بالجهد فحال شي هبيل بقا مدة قصيرة كيضحك هاكاك حتى ختمها بواحد الكروشي فالحييط و نطق : داكشي لي كنت خايف منو حياتي كلها طحت فيه (ونطق بتهكم ) القافز فالقبيلة يديها شيخة .....