𝐈 𝐋𝐨𝐯𝐞𝐝 𝐇𝐢𝐦 𝐌𝐚𝐝𝐥𝐲 {Ongoing }

26

Unicode

မြူဒေါင်းခါတိုင်းထက် ဒီနေ့ပိုစောပြီးနိုးနေလို့ ကိုကိုစားဖို့မနက်စာကို ကိုယ်တိုင်ဝင်ချက်ပေးနေမိတယ်။ ကိုကိုကမနက်စာဆို ကော်ဖီပဲအမြဲသောက်နေတာ တစ်ခါတစ်လေကျလည်းမနက်စာတောင်မစားဘဲ အပြင်ထွက်သွားတတ်တယ်။ဒါကြောင့်မို့ မြူဒေါင်းက ကိုကိုအတွက်မနက်စာကောင်းကောင်းလေးပြင်ပေးချင်မိသည်။

ထမင်းအသီးအရွက်တွေနဲ့ သေချာကြော်ပေးပြီးကြက်ဥကိုမကျက်တကျက်လေးကြော်ပေးထားသည်။ မနက်စောကြီး ထဝယ်ပေးထားတဲ့စားတော်ပဲပြုပ်နဲ့ဆို ကိုကိုကြိုက်လောက်မှာပင်။ကော်ဖီအစား နွားနို့ပူပူလေးကျိုပေးထားလိုက်တယ်ကိုကိုအားရှိအောင်။

သေချာချက်ပြီးတော့မှကိုယ်တိုင်ပြင်ပေးထားတဲ့ထမင်းဝိုင်းလေးကိုကြည့်ပြီးမြူဒေါင်းတစ်ယောက်ကျေနပ်ပြီဆိုမှ ခြံထဲဆင်းပြီးကားရေဆေးနေသည့် ဟိန်းထက်သာစီသွားကူပေးနေတော့သည်။

...........

''ဒေါ်ညွှန့် မြူဒေါင်းငယ်ရော''

စိုင်းကအပေါ်ထပ်ကဆင်းလာချင်းပဲ မြူဒေါင်းကိုမေးလိုက်သည်။ မီးဖိုခန်းထဲက ဒေါ်ညွန့်ကသူ့ရှေ့ရောက်လာပြီး

''အကိုလေး နိုးပြီလား မြူလေးကခြံထဲမှာ ဟိန်းကိုအလုပ်ကူပေးနေတယ်ကွဲ့ အကိုလေးစားဖို့ မြူလေးကမနက်စာကိုအစောကြီးထချက်ပေးထားတာ အကိုလေးမနက်စာစားတော့မလား''

ဒေါ်ညွန့်သူ့စကားဘာအမှားပါသွားလည်းမသိ အကိုလေးကမျက်မှောင်ကျုံ့ပြီး အိမ်ရှေ့ထွက်သွားတော့သည်။

စိုင်းအိမ်အပေါက်ဝကနေ အသံတဆာဆာနဲ့ရယ်ပြုံးနေကြတဲ့နှစ်ယောက်စီ စိုက်ကြည့်နေလိုက်၏ ။မေးရိုးတွေထင်းပြီးအလိုမကျစွာမျက်နှာက မြူဒေါင်းငယ်အားပြာကျမတက်စိုက်ကြည့်နေကာ ဒေါသကတလိမ့်လိမ့်နှင့်ပေး။

''မြူဒေါင်းငယ်!''

''အယ်....ကိုကို''

''မင်းလာခဲ့စမ်း!''

ပြောပြီးအိမ်ထဲဝင်ကာထမင်းဝိုင်းစီသွားလိုက်တယ် မျက်လုံးရဲရဲတွေက ထမင်းဝိုင်းကိုသာစိုက်ကြည့်နေမိတယ်။