𝐈 𝐋𝐨𝐯𝐞𝐝 𝐇𝐢𝐦 𝐌𝐚𝐝𝐥𝐲 {Ongoing }

46

Unicode

၃နှစ်ခန့်ကြာပြီးနောက်. . .

အချိန်တွေကုန်တာ ၃နှစ်တာကာလကြာခဲ့ပေမဲ့ စိုင်းဟာ မြူဒေါင်းငယ်အား ရှာမတွေ့ခဲ့ချေ။ သို့ပေမယ့် စိုင်းကအခုချိန်ထိ မြို့အနှံ့ရှာနေတုန်းပါဘဲ။ မြူဒေါင်းငယ်ကအပုန်းကောင်းနေပေမဲ့ စိုင်းကအခုထိဇွဲမလျှော့သေး။ ဒါပေမယ့် ရှာမတွေ့တဲ့ရက်ကြာလာလေလေ စိုင်းဟာတုန်လှုပ်လာလေဘဲ။

မိမိကွယ်ရာ တစ်ခုခုများဖြစ်နေမလားဆိုတဲ့စိတ်နှင့် စိုင်းညဘက်တွေတောင်အိပ်မရတော့တဲ့အခြေအနေဖြစ်လို့ မိသားစုဆရာဝန်နဲ့ပါ ကြိတ်ကုနေရသည့်အဖြစ်။ အရင်ကလို ဆိုးသွမ်းမနေတော့ပေမဲ့ ပိုပြီးအေးစက်ခက်ထန်လာသည့်စိုင်းက အရင်ကထက်အလုပ်တွေလည်း ဖိလုပ်တတ်လာခဲ့သည်။ မိန်းမတွေနဲ့လည်း မရှုပ်တော့ဘဲ ညတိုင်းမြူဒေါင်းငယ်၏ ဓာတ်ပုံတွေကိုသာ မျက်ရည်တွေနဲ့ စိုက်ကြည့်နေတတ်သည်။

မြူဒေါင်းငယ်ကို ရှာမရသေးပါဘူးပြောမိတဲ့ သူ့အလုပ်သမားတိုင်းကိုလည်း စုတ်ပြတ်သတ်အောင်ထိုးကြိတ်တတ်သေး၏။ စိုင်းဟာ အရင်ကထက်တောင် ဒေါသပိုကြီးလာသည်။ အလုပ်ကလူတွေမှာလည်း သူဌေးဖြစ်သူကြောင့် အသက်တောင်ဝဝမရှူရဲခဲ့တာ အခုဆို ၃နှစ်တာလောက် ရှိပြီ။ အလုပ်ကထွက်ချင်ကြပေမဲ့ ရနေတဲ့လစာကမက်လောက်စရာဖြစ်လို့ ဘယ်သူမှမထွက်ချင်ကြပြန်ပါ။ ဒါကြောင့်ဘဲ သူတို့သူဌေး၏ ဒဏ်ကိုကြိတ်မှိတ်ခံနေကြရသည်။

''သီဟ ငါစီစဥ်ခိုင်းထားတာတွေ လုပ်ပြီးပြီလား ''

''ဟုတ်ကဲ့ Boss၊ တည်းဖို့ Hotel ကိုလည်း ဘိုကင်ကြိုချိတ်ထားပြီးသွားပါပြီ။ project သစ်အတွက်လည်း အကုန်စီစဥ်ပြီးသွားပါပြီ။ Boss ပုဂံကိုသွားပြီး ကြည့်ရုံပါဘဲ''

''အင်း.... ညနေကျ စထွက်မယ်၊ မင်းဘဲ ကားပြင်ထားလိုက်''

''ဟုတ်ကဲ့ Boss ''

ပြောစရာရှိတာပြောပြီး ရုံးခန်းထဲပြန်ဝင်သွားသည့် boss ကို သီဟ စိတ်မကောင်းစွာဘဲ ကြည့်ဖြစ်သည့်အကြိမ်ရေမနည်းတော့ချေ။ မိမိ၏ boss ဟာအပြင်ပိုင်းမာကျောချင်ယောင်ဆောင်နေပေမဲ့ အတွင်းစိတ်က ဘယ်လောက်ထိပြိုလဲနေပြီလဲဆိုတာ သီဟသိနေခဲ့၏။ boss က စိတ်ရောလူရောပင်ပန်းနေပါပြီ။