#49.သင့်ကိုယ်သင်ဘယ်လိုရင့်ကျက်စေမလဲ?

38 7 5

by AkemiVia

by AkemiVia

သင့်ကိုယ်သင် ဘယ်လိုရင့်ကျက်စေမလဲ?
****************************************

လူတော်တော်များများထင်နေကြတာက အသက်အရွယ်ကြီးလာလို့ အတွေ့အကြုံများလာတဲ့အခါ ရင့်ကျက်သွားတာပါပဲလို့ အလွယ်သတ်မှတ်ကြတယ်။
ဒါက မှန်သင့်သလောက်မှန်ပေမယ့် ရာနှုန်းပြည့်တော့ မမှန်ပါဘူး။ အသက်အရွယ်ကြီးတဲ့တိုင်အောင် ရင့်ကျက်တည်ငြိမ်မှုမရှိသေးတဲ့သူတွေ
ရှိကြသလို၊ အသက်ငယ်ငယ်လေးနဲ့ အံ့သြစရာကောင်းလောက်အောင် ရင့်ကျက်တဲ့သူတွေလည်း ရှိကြပါတယ်။

ရင့်ကျက်တယ်ဆိုတိုင်းလည်း ယောက်ျားလေးဆို ပုဆိုးနဲ့လည်ကတုံး၊ မိန်းကလေးဆို ရင်ဖုံးနဲ့ ထဘီ။ ဒါတွေဝတ်ရမယ်လို့ ပြောတာမဟုတ်ပါဘူး။
ဒါတွေက ကိုယ်အမူအယာရင့်ကျက်ခြင်းပါ။ တကယ်တမ်းဘဝမှာ ဖြတ်သန်းရမယ့်အချိန်မှာ လိုအပ်တာ စိတ်နှလုံးရင့်ကျက်ဖို့ပါ။
သင်ကိုယ်တိုင် ရင့်ကျက်ဖို့အတွက် အသက်တွေကြီးလာတဲ့အထိ စောင့်စရာမလိုပါဘူး။ ပုဆိုးတွေ ဝတ်နေဖို့လည်း မလိုပါဘူး။ စိတ်ဓါတ်တွေ
မာကျောပြီး လောကဓံကို ခံနိုင်ရည်ရှိဖို့ လူငယ်အရွယ်မှာတင် ရင့်ကျက်အောင် သင့်စိတ်ကိုသင် ပျိုးထောင်နိုင်ပါတယ်။

(၁) ဇွဲလုံလ ရှိရမယ်။
-----------------------------
ရင့်ကျက်တော့မယ်လို့ ဆုံးဖြတ်ချက်ချလိုက်တာဟာ မနက်ဖြန်ကစပြီး အစားလျှော့စားတော့မယ်ဆိုတဲ့ ဆုံးဖြတ်ချက်ထက် ပိုခက်ခဲပါတယ်။
ဒါကြောင့် နေ့ချင်းညချင်းတော့ သင်ဟာ ရင့်ကျက်တဲ့သူတစ်ယောက် ဖြစ်လာမှာမဟုတ်ပါဘူး။ ဘယ်အရာတွေက သင့်စိတ်ကို
တည်ငြိမ်မှုပေးလဲ၊ အတွေးအခေါ် အမျှော်အမြင်အသစ်တွေ ဖြစ်လာစေလဲ ဆိုတာတွေ သင်ကိုယ်တိုင် ရေရေရာရာနားလည်လာနိုင်ဖို့
အချိန်အတိုင်းအတာတစ်ခုနဲ့ ဇွဲလုံလတို့ လိုအပ်ပါတယ်။
နေ့ချင်းညချင်း မရင့်ကျက်နိုင်ဘူးဆိုလို့ စိတ်တော့ မပျက်သွားပါနဲ့။ ဒါဟာ အမှန်တရားပါ။ ဒါပေမယ့် ရင့်ကျက်သူတစ်ယောက်ဖြစ်ပြီဆိုရင်တော့
သင့်ဘဝဟာ လက်ရှိဘဝနဲ့ နေရထိုင်ရတာချင်း အစပေါင်းများစွာ ကွာသွားပါလိမ့်မယ်။

(၂) ကိုယ့်ကိုယ်ကို ထိန်းချုပ်ခြင်း။
------------------------------
သင့် ခံစားချက်တွေနဲ့ အပြုအမူတွေကို ထိန်းချုပ်နိုင်ခြင်းဟာ ရင့်ကျက်ခြင်းရဲ့ ပထမဦးဆုံးအဆင့်ပါပဲ။ ဒီလို စိတ်နဲ့ကိုယ်ကို ထိန်းချုပ်နိုင်ဖို့ဆိုရင်
အရင်ဆုံး သင့်အတွေးတွေကို ပြုပြင်ရပါမယ်။ အရင်ကလို အလွယ်တွေးတတ်တဲ့အကျင့်တွေ၊ ဖြစ်သလိုနေတတ်တဲ့အကျင့်တွေကို
ဖျောက်ပစ်ရပါမယ်။ အရိုးရှင်းဆုံး ထိန်းချုပ်နည်းကတော့ ကိုယ်အမူအယာတွေကို ဦးစွာထိန်းချုပ်ပါ။ ကိုယ်အမူအယာတည်ငြိမ်လာတာနဲ့အမျှ
စိတ်ရဲ့တည်ငြိမ်ခြင်းကိုလည်း သင်ခံစားလာရပါလိမ့်မယ်။

(၃) စိတ်ရှည်ရမယ်။
----------------------
ဘယ်အရာကိုမဆို စိတ်ရှည်ရှည်ထားတတ်ဖို့ လိုပါတယ်။ စိတ်မရှည်ခြင်း၊ ဒေါသထွက်ခြင်း၊ သည်းမခံတတ်ခြင်းတွေဟာ ရင့်ကျက်တဲ့စိတ်ရဲ့
လက္ခဏာတွေ မဟုတ်ပါဘူး။

(၄) ကိုယ်ချင်းစာတရားထာရမယ်။
---------------------------------
ရင့်ကျက်တဲ့သူအတော်များများဟာ တစ်ကိုယ်ကောင်းမဆန်တတ်သလို၊ သူ့ဘက်ကိုယ့်ဘက် ချင့်ချိန်ကြည့်ရှုတတ်ပါတယ်။
တစ်ကိုယ်ကောင်းမဆန်တတ်လာတာနဲ့အမျှ သူများခံစားချက်ကို နားလည်လာမယ်။ လူတွေရဲ့ အမြင်တွေကို သိလာမယ်။ ပိုပြီး
ကျယ်ပြန့်တဲ့ အတွေးအခေါ်တွေကိုလည်း ပိုင်ဆိုင်လာနိုင်ပါတယ်။

(၅) ယဉ်ကျေးပါ။
-----------------
ကိုယ်အမူအရာ ယဉ်ကျေးခြင်းဟာ စိတ်ရဲ့ယဉ်ကျေးခြင်းကို ဦးတည်နိုင်ပါတယ်။ အပြောအဆိုကို တတ်နိုင်သမျှ ယဉ်ယဉ်ကျေးကျေးပြောပါ။
ရိုင်းရိုင်းပြပြပြောဆိုမှ ရင်းနှီးတာမဟုတ်ပါဘူး။ ဖော်ဖော်ရွေရွေပြောဆိုခြင်းဖြင့်လည်း သင့်ရင်းနှီးမှုကို ပြနိုင်ပါတယ်။ ရင့်ကျက်တဲ့သူတိုင်းဟာ
ရိုင်းပြလေ့မရှိပါဘူး။

(၆) သင်ယူပါ။
---------------
သင်ယူခြင်းဟာ သင့်ရဲ့အတွေးအခေါ်တွေ၊ ယုံကြည်ချက်တွေနဲ့ ခံယူချက်တွေကို ပြောင်းလဲစေနိုင်ပါတယ်။ များသောအားဖြင့်တော့ ကောင်းတဲ့
အပြောင်းအလဲတွေပဲ ဖြစ်စေပါတယ်။ လူတွေဆီကနေ သင်ယူပါ။ ခရီးသွားခြင်းကနေ သင်ယူပါ။ စာအုပ်စာပေတွေကနေ သင်ယူပါ။
အတိတ်သမိုင်းတွေထဲက သင်ယူပါ။ သင်ယူချင်စိတ်ရှိတဲ့သူတိုင်းအတွက် နေရာတိုင်းမှာ သင်ယူစရာတွေ ရှိနေပါတယ်။

(၇) ယုံကြည်မှုရှိပါ။
-------------------
သင့်ကိုယ်သင် ယုံကြည်မှုရှိဖို့လည်းပဲ လိုအပ်ပါတယ်။ ယုံကြည်မှုဟာ စွမ်းအင်တစ်ခုအနေနဲ့ သင့်ရဲ့ရင့်ကျက်ခြင်းတွေကို ပိုပြီး ခံညားစေမှာပါ။

(၈) လောကဓံ။
-----------------
အကောင်းတွေကို ရယူနိုင်တဲ့ခါမှာလည်း စိတ်လွတ်ကိုယ်လွတ် အပျော်မကြူးသင့်သလို၊ အဆိုးတွေ ဖြစ်လာတဲ့အခါမှာလည်း
စိတ်ထောင်းကိုယ်ကြေ အရှုံးမပေးသင့်ပါဘူး။ ကောင်းသမျှ၊ ဆိုးသမျှကို ခံနိုင်ရည်ရှိဖို့ နှလုံးသွင်းထားရပါမယ်။
အကောင်းဆုံးကို ရည်ရွယ်ပြီး လုပ်နေပေမယ့် အဆိုးဆုံးအတွက်လည်း ပြင်ဆင်ထားပါ။

#Credit to O.W
#ရွှေညာမောင်