ពេលដែលមានមនុស្សមកស្ទាក់នៅពីមុខហើយនៅប្រើសម្តីក្អេងក្អាងដាក់បែបនេះ ធ្វើឲ្យ Daehyun មានអារម្មណ៍ក្តៅឆេវ។
Daehyun : នាងជាអ្នកណា? មានសិទ្ធិអីមកនិយាយបែបនេះដាក់យើង?
តាំងពីដើមមកគ្មានអ្នកណាហ៊ាននិយាយសម្តីក្អេងក្អាងដាក់អ្នកកំលោះនោះទេ ស្រីដែលនៅចំពោះមុខម្នាក់នេះហើយជាមនុស្សទីមួយដែលហ៊ានប្រើសម្តីបែបនេះដាក់នាយ។
Morin : ចាំបាច់ឲ្យយើងនិយាយច្រើនដងដែរហេ៎?! យើងប្រាប់ឲ្យលែងនាងក៏លែងទៅឬមួយឯងចង់ត្រូវ?!
ស្រីស្រស់និយាយឡើងដោយសម្លេងរាបស្មើ កែវភ្នែកពណ៌ថ្លាសម្លឹងមើលបុរសនៅចំពោះមុខ ជាមួយនឹងភាពខឹងសម្បារ។
Daehyun : មនុស្សស្រីកំប៉េកកំប៉ុកដូចជានាងនេះហេ៎ធ្វើអ្វីខ្ញុំបាន?!
រាងក្រាស់និយាយដោយភ្នែករបស់គេសម្លឹងមើលរូបរាងរបស់ Morin តាំងពីចុងជើងរហូតមកដល់ក្បាល។ ពេលលឺពាក្យប្រមាថ មើលងាយរបស់ Daehyun ហើយ អារម្មណ៍ ខឹងឆេះឆួលបានកើតមានឡើងចំពោះ Morin ។ ទ្រាំលែងបានហើយវើយ!!!
> ឌឹប! <
រាងស្តើងក្តាប់ដៃដាល់អ្នកកំលោះមួយដៃ ធ្វើឲ្យអ្នកដែលត្រូវគេដាល់ងើយក្បាលទៅក្រោយភ្លាមៗ ព្រោះតែគេមិនបានត្រៀមខ្លួនតទល់នឹងស្រីតូចម្នាក់នេះ។ ពេលឃើញរាងក្រាស់ភ្លេចខ្លួនបែបនេះ Morin រហ័សទាញដៃអ្នកដែលសន្លប់នៅក្នុងដៃរបស់ Daehyun ចេញភ្លាម។ ពេលនេះ Mora កំពុងតែស្ថិតនៅក្នុងដៃរបស់ Morin ហើយ
Daehyun : នាងស្រីឆ្កួត!!!
អ្នកដែលត្រូវគេដាល់ងើបមុខឡើងអង្អែលគែមមាត់ខ្លួនឯងដែលបែកចេញឈាមមកតិចៗ ព្រមទាំងស្រែលជេរប្រទិចដាក់ស្រីនៅចំពោះមុខ ជាមួយនឹងអារម្មណ៍ឆេះឆួល ខឹងសម្បារជាខ្លាំង។
Morin : យើងមិនសម្លាប់ឯងចាត់ទុកថាសំណាងហើយ!!
Daehyun : នាង!!!
អ្នកកំលោះលើកដៃបម្រុងនឹងដាល់ Morin តែជើងមាំទាំងគូត្រូវឈប់ង៉ក់ ពេលដែលស្រីស្រស់ដកកាំភ្លើងចេញពីចង្កេះ តម្រង់មករករូបគេ។ ចង្រៃយ៍អើយ!!! ពេលនេះគេមិនអាចធ្វើអ្វីស្រីម្នាក់នោះបានទេ ព្រោះតែនាយមិនបានឲ្យកូនចៅតាមមកជាមួយ ហើយមិនបានយករបស់ទាំងនោះមកតាមខ្លួនទៀត ប្រហែសពេកហើយ!!!
YOU ARE READING
ស្អប់បង្កប់ស្នេហ៍
Random•សាច់រឿងតពីរឿង ស្អប់ពេញស្រឡាញ់ បើនាងមិនយកកូនចេញពីគេ ប្រហែលជាគេមិនស្អប់នាងដល់ថ្នាក់នឹងនោះទេ ប៉ុន្តែដោយសារតែនាងយកកូនដែលមានឈាមជ័រជាកូនរបស់គេផងដែរនោះ ចាកចេញពីគេអស់រយៈពេល 5 ឆ្នាំ រហូតទាល់តែពេលដែលមនុស្សដូចជា Jeon Jungkook រកនាងឃើញ ប្រុសកំលោះបានគិតទុករួចទៅ...
