Mora ភ្ញាក់ឡើងទាំងក្នុងខ្លួននៅរវើរវាយនៅឡើយ តើយប់មិញមានរឿងអ្វីកើតឡើង? នាងចាំបានថាបន្ទាប់ពីមិត្តភក្តិរបស់ Jungkook ឲ្យនាងផឹកស្រាហើយ នាងក៏មិនអាចចាំអ្វីបានតទៅទៀតហើយអ្វីដែលនាងកាន់តែឆ្ងល់នោះគឺនាងមកគេងនៅក្នុងបន្ទប់នេះបានដោយរបៀបណា? ស្រីស្រស់ទម្លាក់ជើងចុះពីគ្រែ ដើរសំដៅទៅបន្ទប់ទឹកដើម្បីរៀបចំខ្លួន។ ពេលដែលរៀបចំខ្លួនរួចរាល់ហើយស្រីតូចបានចុះមកដល់ខាងក្រោម ជើងទាំងគូត្រូវឈប់ឈានទៅមុខភ្លាមៗ ទឹកភ្នែករកកលចង់ហូរចុះមកអារម្មណ៍ពេលនេះក៏រំភើប សប្បាយចិត្តក៏សប្បាយចិត្តដែរ។
......... : ម៉ាក់ៗ
សម្លេងក្មេងតូចបន្លឺឡើង ព្រមទាំងរត់ទៅរកម្តាយរបស់គេទៀតផង។ ក្មេងប្រុសម្នាក់នេះតែងតែមានស្នាមញញឹមនៅលើមុខរបស់គេជានិច្ច
Mora : Eunwoo!
នាងតូចឱបកូនប្រុសយ៉ាងណែន ពោរពេញទៅដោយក្តីនឹករលឹក។ នាងថើបថ្ពាល់កូនតិចៗ មុននឹងសម្លឹងមើលកូនពីក្បាលដល់ចុងជើង កូនរបស់នាងផ្លាស់ប្តូរច្រើនណាស់ មានសាច់ជាងមុន ស្រស់ស្រាយជាមុន មើលទៅគេរីករាយណាស់។
Eunwoo : ម៉ាក់ៗ សុខសប្បាយទេ?
ពេលលឺកូនប្រុសសួរបែបនេះ ទឹកមុខដែលស្រស់ស្រាយមុននេះប្រែជាស្រគត់ស្រគំភ្លាមៗ។ តើឲ្យនាងឆ្លើយនឹងកូនយ៉ាងមិច?
Mora : ម៉ាក់សុខសប្បាយធម្មតាទេកូន ចុះកូនទៅលេងលោកតាលោកយាយយ៉ាងមិចដែរ?
Eunwoo : សប្បាយខ្លាំងណាស់ម៉ាក់ លោកតាលោកយាយនាំខ្ញុំដើរលេងគ្រប់ទីកន្លែងនៅទីនោះ ហើយខ្ញុំលេងជាមួយ Taeho Hyung សប្បាយណាស់
Mora : បើកូនសប្បាយយ៉ាងនឹង ចាំថ្ងៃណាមួយម៉ាក់ជាអ្នកនាំកូនទៅលេងលោកតាលោកយាយម្តងណា
Aerin : Eunwoo ក្មួយទៅលេងជាមួយបង Taeho សិនទៅណា អ៊ំមានរឿងនិយាយជាមួយនឹងម៉ាក់ៗបន្តិច
Eunwoo : បាទ!
ឆ្លើយចប់ Eunwoo រត់ត្រុយទៅខាងក្រោយផ្ទះដែលមានកន្លែងក្មេងលេងសម្រាប់លេង ពេលនេះ Taeho កំពុងតែជិះទោងលេងដោយមាន Taehyung ជាអ្នករុញទោងមួយនោះ។ Eunwoo ឈប់រត់ឈរសម្លឹងមើលទិដ្ឋដែលនៅចំពោះមុខ មើលទៅ Taehyung ស្រឡាញ់ Taeho ណាស់ហើយប៉ាកូនគេក៏មានក្តីសុខដែរ។ ចុះសម្រាប់ Eunwoo វិញ? ពេលណាទើបប៉ារបស់គេធ្វើបែបនេះដាក់គេដែរទៅ? មើលពេលនេះចុះ មកដល់ផ្ទះភ្លាមក្មេងតូចឃើញតែម៉ាក់របស់គេប៉ុណ្ណោះចុះឯណាប៉ា?
![](https://img.wattpad.com/cover/201337644-288-k192117.jpg)
YOU ARE READING
ស្អប់បង្កប់ស្នេហ៍
Random•សាច់រឿងតពីរឿង ស្អប់ពេញស្រឡាញ់ បើនាងមិនយកកូនចេញពីគេ ប្រហែលជាគេមិនស្អប់នាងដល់ថ្នាក់នឹងនោះទេ ប៉ុន្តែដោយសារតែនាងយកកូនដែលមានឈាមជ័រជាកូនរបស់គេផងដែរនោះ ចាកចេញពីគេអស់រយៈពេល 5 ឆ្នាំ រហូតទាល់តែពេលដែលមនុស្សដូចជា Jeon Jungkook រកនាងឃើញ ប្រុសកំលោះបានគិតទុករួចទៅ...