"ကိုခေတ် ကိုခေတ်"
မောင်တစ်ယောက်မနက်၇နာရီထိုးသည့်တိုင်မနိုးသေးသောခေတ်ကိုလှုပ်နှိုးနေလေသည်.....မောင့်နှိုးသံကြောင့်မျက်လုံးလေးတွေရဲကာနိုးလာသောခေတ်...ဟုတ်သည်လေ ညက တစ်ညလုံးယောင်နေသောမောင့်ကြောင့်ဥာဏ့်နက်မှအိပ်ခဲ့ရသည်မလား...
"ဟင်...အင်း..ငါထပြီ...အိပ်ပျော်သွားတယ်ကွ"
"ခဗျားအိပ်ချင်သေးရင်လည်းအိပ်နေပါ။ဒီနေ့ဆိုင်ပိတ်တာပဲ ခုကစျေးဝယ်သွားမလို့ လိုက်ချင်လိုက်ရအောင်နှိုးတာ"
မောင့်ပါးစပ်ကစျေးဝယ်ဆိုသောအသံကြားသည်နှင့်ခေတ်သည်မျက်လုံးလေးတွေဝိုင်း၍ငေါက်ကနဲထလာလေသည်....
"စျေးဝယ်ဟုတ်လား...လူတွေစီပြီးစျေးသည်တွေနဲ့လေ....ငါလည်းလိုက်ချင်တယ်မောင် ငါကစျေးဆိုရွာမှာတစ်ခါတစ်လေလာရောင်းတဲ့တစ်သည်နှစ်သည်ပဲတွေ့ဖူးတာဗျား...ငါလည်းလိုက်ချင်တယ်နော်....အယ့်လိုစျေးသည်တွေအများကြီးရောင်းတဲ့နေရာမလား"
ခေတ်ကအားတက်သရောမေးတော့မောင်က
"အင်း..စျေးရောင်းတာတော့ဟုတ်ပေမယ့် စျေးသည်တွေကတော့အများကြီးမရှိဘူး...ထားပါခုရေမိုးချိုးပြီးသွားကြမယ်လေ"
"အင်းအင်းသွားကြမယ်ဗျား"
ခေတ်သည်ခုန်ပေါက်မတက်ပင်ပုဆိုးလေးတစ်ထည်ယူ၍ရေချိုးခန်းသို့အပြေးတစ်ပိုင်းသွားလေသည်....
ခေတ်၏ပုံကိုကြည့်၍မောင်တစ်ယောက်ပြုံးလိုက်မိ၏....ပြီးမှဟိုဘက်အခန်းမှာအိပ်နေသောရှင်းလျှန်ကိုပါနှိုးကာသွားရန်ပြင်ဆင်ခိုင်းလေသည်.....သကောင့်သားကတော့ ဆင်တက်နင်းရင်တောင်မနိုးဘူးဆိုသည့်ပုံဖြင့်စက်တော်ခေါ်နေသည်မို့အတော်လေးကိုကန်ကာကြောက်ကာနှိုးခဲ့ရလေသည်.....
ရေမိုးချိုးပြင်ဆင်ပြီးတော့သုံးယောက်သားမောင့်ကားလေးပေါ်သို့တက်ကာစျေးသွားရန်ပြင်ကြလေသည်......
ကားပေါ်ရောက်သည်နှင့်ရှင်းလျှန်ရှိရာအနောက်ဖက်သို့လှည့်၍နဖားကြိုးတပ်ဦးဟုတွင်တွင်ပြောနေသောခေတ်....ခေတ်စကားကြောင့်ရှင်းလျှန်မှာနဖားကြိုးနှင့်တူသောအရာကိုအသည်းအသန်လိုက်ရှာရသေးသည်....
YOU ARE READING
မေတ္တာရိပ်မြုံလေးထဲဝယ်မောင်နဲ့ငါ (𝑪𝒐𝒎𝒑𝒍𝒆𝒕𝒆𝒅)
Romanceမောင်နဲ့ငါ့ရဲ့ဇာတ်လမ်းလေးကိုဒီနေရာလေးမှာမင်းတို့ကိုပြောပြသွားမယ်။ဇာတ်လမ်းလေးကဘယ်လိုစခဲ့လဲဆိုတော့................ ေမာင္နဲ႔ငါ့ရဲ႕ဇာတ္လမ္းေလးကိုဒီေနရာေလးမွာမင္းတို႔ကိုေျပာျပသြားမယ္။ဇာတ္လမ္းေလးကဘယ္လိုစခဲ့လဲဆိုေတာ့................
