သည်နေ့မနက်မောင်အလုပ်သွားတော့ခေတ်လည်းထုံးစံအတိုင်းအိမ်မှာဟိုလုပ်သည်လုပ်နှင့်ကျန်ခဲ့လေသည်။ဒေါ်မေမိုးပြည့်ကမနက်စာစားပြီးတိုင်း ခေတ်ကိုစာသင်ပေးတာမို့ မနက်စာစားပြီးသည်နှင့်စာသင်ရန်ဧည့်ခန်းလေးမှာနေရာကြိုယူထားလေသည်။
"သားခေတ်"
"ဗျား"
"ဒီနေ့သားငယ်ရဲ့သူငယ်ချင်းတွေလာမှာမို့တဲ့ တီမေချက်ဖို့ပြုတ်ဖို့ဝင်စီမံပေးရဦးမယ်ကွယ် အယ့်တာသားခေတ်က အရင်နေ့ကဟာတွေပြန်လေ့ကျင့်ထားပါလား"
ဒေါ်မေမိုးပြည့်ကအားနာဟန်ပြောလေတော့ခေတ်ကပိုလို့ပင်အားနာရလေသည်
"အာ မဟုတ်တာ ဒါဆိုကျွန်တော်လည်းကူရမှာပေါ့ဗျာ ကျွန်တော်လည်းကူမယ်လေတီမေရဲ့"
ပြာပြာသလဲနဲ့ကူရန်ထလာသောကောင်လေးကို သဘောတကျကြည့်ကာပြုံးလျှက်
"ကူစရာတော့သိပ်မရှိပါဘူးရှင် သားခေတ်ကကူချင်သပဆိုလည်း အိမ်ရှေ့မှာပဲစာရေးရင်းသူတို့လာတာထိုင့်စောင့်ပေးနေလေနော်။မောင်ထွန်းကခြံတံခါးပဲဖွင့်ပေးတက်တာ ဧည့်သည်ကိုဝင်ပါကြွပါမပြောတက်တော့သူနဲ့အဆင်မပြေလောက်ဘူး။အယ့်တာကြောင့်သားခေတ်ကစာရေးရင်းစောင့်နေပေးနော်"
"ဟုတ်တီမေ"
ဒေါ်မေမိုးပြည့်သည်ပြောပြီးသည်နှင့်မီးဖိုခန်းသို့ပြန်ဝင်သွားကာချက်ရေးပြုတ်ရေးတွေစီမံလေသည်။ခေတ်ကတော့ဒေါ်မေမိုးပြည့်စကားအတိုင်းအိမ်ရှေ့မှာစာလေးရေးရင်းစောင့်ပေးနေလေရဲ့
ခဏနေတော့ရှင်းလျှန်ဦးဆောင်ပြီးသူ့သူငယ်ချင်းတွေလို့ထင်ရသောကောင်လေးသုံးယောက်နဲ့ တစ်သိုက်ဟာအိမ်ထဲသို့ဝင်လာလေသည်
"ကိုခေတ်"
"ဟေ ရှင်းလျှန်လေးတို့! လာကြပြီလား လာကွ ဝင်ကြ ထိုင်"
ရှင်းလျှန်၏သူငယ်ချင်းတွေကိုဧည့်ဝတ်ပြုကာထိုင်ခိုင်းပြီးမီးဖိုခန်းသို့လုံးတုံးလုံးတုံးနဲ့ပြေးဝင်သွားလေသောခေတ်။ဒေါ်မေမိုးပြည့်ကိုရှင်းလျှန်သူငယ်ချင်းတွေရောက်ပြီဖြစ်ကြောင်းပြောရင်း စားပွဲပေါ်တင်ထားသောဗန်းလေးကိုကိုင်ကာပြန်ထွက်လာခဲ့သည်။
YOU ARE READING
မေတ္တာရိပ်မြုံလေးထဲဝယ်မောင်နဲ့ငါ (𝑪𝒐𝒎𝒑𝒍𝒆𝒕𝒆𝒅)
Romanceမောင်နဲ့ငါ့ရဲ့ဇာတ်လမ်းလေးကိုဒီနေရာလေးမှာမင်းတို့ကိုပြောပြသွားမယ်။ဇာတ်လမ်းလေးကဘယ်လိုစခဲ့လဲဆိုတော့................ ေမာင္နဲ႔ငါ့ရဲ႕ဇာတ္လမ္းေလးကိုဒီေနရာေလးမွာမင္းတို႔ကိုေျပာျပသြားမယ္။ဇာတ္လမ္းေလးကဘယ္လိုစခဲ့လဲဆိုေတာ့................