ဒီနေ့မနက်တော့ခေတ်တစ်ယောက်စောစောထကာတက်ကြွလို့နေသည်။အကြောင်းအရင်းကတော့ဒီနေ့ခေတ်ပထမဆုံးကျောင်းတက်ရမယ့်ရက်မလား။ယောက္ခမဖြစ်သူကဆရာစာလာသင်ရင်ဝတ်ရအောင်ဆိုပြီးဝယ်ပေးထားသော အကျီအဖြူလေးနဲ့ပုဆိုးအစိမ်းလေးကိုဝတ်ကာ တကယ့်အထက်တန်းကျောင်းသားလေးအတိုင်းပင်။ယောက္ခမဝယ်ပေးတဲ့အကျီနဲ့ပုဆိုးကိုသပ်ရပ်စွာဝတ်ပြီး ယောက္ခထီးဝယ်ပေးတဲ့တြိဂံတံဆိပ် လွယ်အိတ်လေးလွယ်လို့အဆင်သင့်ဖြစ်နေသော ခေတ်ခေတ်ရယ်ပါလေ။စာစသင်ရမှာ နေ့လည်၁၁နာရီလောက်မှဖြစ်သော်လည်း မနက်၇နာရီတည်းကအဆင်သင့်ပြင်ကာတက်ကြွနေသောခေတ်ရယ်ပါလေ။
လှုပ်လှုပ်လှုပ်လှုပ်နဲ့ခေတ်ကြောင့်မောင်နိုးလာတော့ ခေတ်ကအတောက်ပဆုံးပြုံးပြလေသည်။
"နိုးပြီလားကွ"
"နိုးပြီ။ခေတ်ကဘာလို့အယ့်လိုဝတ်စားထားတာလဲ"
မျက်လုံးနှစ်လုံးပွင့်တာနဲ့မောင်မေးတဲ့မေးခွန်းကခေတ်ရဲ့ဝတ်စားပုံအကြောင်းပင်
"ငါကဒီနေ့စာသင်ရမှာလေမောင်ရဲ့ ကျောင်းတက်ရမှာဗျား"
ဝံ့ကြွားဟန်ပြောလာသောခေတ်ကိုကြည့်ကာမောင်မပြုံးနိုင်ပါ စာသင်မယ့်ကျောင်းသားကလိုတာထက်ကိုချစ်ဖို့ကောင်းနေသည်ကိုး
"တစ်ခုခုလိုနေတယ်"
"ဘာလဲကွ"
"သနပ်ခါး"
"ဟေ"
"ဟုတ်တယ် သနပ်ခါးလိမ်းရမယ်"
မောင်သည်ခေတ်ကိုကြည့်ကာပြောလည်းပြောရင်း ကုတင်ပေါ်မှထကာအောက်သို့ဆင်းရန်သွားလေသည်။
"ခေတ်ဒီမှာပဲနေနော်"
ခေတ်အားလှည့်ကာမှာရင်း အောက်သို့အမြန်ပြေဆင်းသွားလေသည်။ခဏနေတော့လက်ထဲမှာ ဘူးလေးတစ်ဘူးကိုင်ကာအခန်းထဲသို့ပြန်ဝင်လာပြန်သည်။
"ခေတ်လာ"
အခန်းထဲရောက်တာနဲ့ခေတ်လက်ကိုဆွဲကာမှန်တင်ခုံရှေ့ခေါ်သွားလေသည်။ခေတ်ကိုမှန်တင်ခုံရှေ့ကခုံမှာထိုင်စေပြီး မောင်ကသူ့လက်ထဲမှာပါလာတဲ့ရွှေပြည်နန်းဘူးကိုဖွင့်ကာရေဖျောလေသည်။
YOU ARE READING
မေတ္တာရိပ်မြုံလေးထဲဝယ်မောင်နဲ့ငါ (𝑪𝒐𝒎𝒑𝒍𝒆𝒕𝒆𝒅)
Romanceမောင်နဲ့ငါ့ရဲ့ဇာတ်လမ်းလေးကိုဒီနေရာလေးမှာမင်းတို့ကိုပြောပြသွားမယ်။ဇာတ်လမ်းလေးကဘယ်လိုစခဲ့လဲဆိုတော့................ ေမာင္နဲ႔ငါ့ရဲ႕ဇာတ္လမ္းေလးကိုဒီေနရာေလးမွာမင္းတို႔ကိုေျပာျပသြားမယ္။ဇာတ္လမ္းေလးကဘယ္လိုစခဲ့လဲဆိုေတာ့................