Tax Principles (Law of Attraction Series # 3)

Chapter 31

Pagpasok ko sa loob ng unit ni Jade ay wala pa ito pero maya-maya lang ay dumating na din siya. At sakto naman kakatapos ko lang mag luto ng hapunan kaya sabay na kaming kumain. Madalang na lang kaming magkita nito dahil nagiging busy na kami sa sarili naming mga trabaho. Kaya naghanda ako ng masarap na hapunan para sa aming dalawa, fried adobong baboy at garlic rice ang aking hinanda para ngayong gabi.

"Kamusta ang trabaho mo Ali? napapansin ko lagi ka kasing wala sa opisina, tuwing lunch hinahanap kita kila Brylee sabi nila umalis ka daw kasama ang CEO," tanong ni Jade habang patuloy sa pagkain at sinasabay ang paglalaro ng kung anong laro sa cellphone niya, basta nakakarinig ako ng madaming barilan.

"Ang totoo kasi nyan Jade nagtratrabaho din ako bilang assistant ng CEO, alam mo naman siguro na buntis ang secretary nito kaya hindi na maharap nito ang paglabas at pagsama sa CEO kaya binigay sa akin ang trabaho na iyon para tulungan ito at mas mapadali ang trabaho ng CEO." Pagpapaliwanag ko dito.

Tumigil ito sa paglalaro at tinignan ako. "Seryoso ka ba? So ibig sabihin nagtratarabaho ka ng dalawang posisyon ngayon? kaya pala sobrang busy ka," hindi makapaniwalang tanong nito.

Tumango ako bilang sagot at nagsimula nang kumain ulit, "Kamusta naman ang trabaho mo? kaya mo pa ba? mamaya mapagod ka ng sobra n'yan," tanong nito sa akin na may pag-aalala sa kanyang mukha.

"Kaya ko naman Jade wag kang mag-alala at isa pa mas mabilis akong nakakapagpadala kila Papa ng pera dahil sa doble ang trabaho ko, doble din ang sahod ko, sa susunod na buwan nais ko nang ipaayos ang bahay namin dahil nakakapag-ipon naman na ako, tyaka wag kang mag-alala hindi naman mabibigat na trabaho ang bibigay ng CEO sa akin."

"Sure ka ah, basta pag need mo ng tulong nandito lang ako. Wag kang mahihiya na sabihan ako."

Nagpatuloy kami sa pagkain at pagkwekwentuhan ng kung ano-ano ng bagay pero pansin ko ang pagiging masigla niya tuwing nababanggit niya ang pangalan ni Oliver. Tila kumikinang ang mata nito tuwing kinukwento ang mga kalokohan nila ni Oliver at ang pamilya nito.

Naghugas kami ng pinggan at agad din siyang dumiretso sa paglalaro pagkatapos, kaya nag-basa na lang ako ng mga libro ko. At na isipang tawagan sila Amiel sa bahay upang kumustahin ito.

Ilang ring pa lang ay agad na itong sinagot ni Amiel, "Hello, gising pa ba kayo d'yan?" tanong ko sa kanya.

"Kakatapos ko lang gawin ang mga project ko ate kaya gising pa ako, sila Lola at Lolo ay tulog na sa baba, si Papa naman may inaayos pang TV ng kapit bahay sa baba," sambit nito mula sa kabilang linya.

"Ganon ba, kamusta naman ang Lolo sumasakit pa rin ba ang tuhod nito? Binilhan mo na ba sila ng gamot?" tanong ko dito at umupo sa sofa, sinipa ko ng mahina ang likod ni Jade para alam niya na may kausap ako sa telepono para hinaan nito ang pagmumura sa paglalaro.

"Opo ma'am, nabili ko na rin ang gamot ni Papa at Lola. Pati ang vitamins nito tapos na kahapon pa ate."

"Mabuti naman kung ganon, ah bukas nga pala magpapadala ako ng pera para maipagawa na ang bahay, pagkinuha mo ito ibigay mo kaagad ito kay Papa, nakahiwalay na rin ang allowance mo doon at pambayad mo sa school. Please lang ingatan mo iyon Amiel medyo malaking halaga iyon," sabi ko at inabot ang aking bag upang ihiwalay na ang perenga ipapadala ko bukas at sa perang ititra ko para sa pang gastos ko dito.

"Sige ate ako na ang bahala, basta mag ingat ka dyan at wag mong papabayaan sarili mo, sasabihin ko kay Papa na tumawag ka o gusto mo ba siyang makausap ngayon? Baba ako."

"Hindi, wag na tatawag na lang ako bukas ng umaga, sige na matulog ka na ok," sambit ko at pinatay na ang tawag. Nilagay ko ang sobre ng pera sa aking bag para maipadala ko na ito bukas bago pumasok.