💜 My boyfriend is a doctor 💜 {ကျွန်တော့်ချစ်သူ ဒေါက်တာလေး}
Ch - 4
" ငါလုပ်နေတဲ့အလုပ်ကိုငါတန်ဖိုးထားတာမို့လို့ ငါ့အလုပ်ကိုစော်ကားတာ ငါ့ကိုစော်ကားတာနဲ့အတူတူပဲ "
1.
" ဒေါက်တာနိုအာ ... ဆရာကြီးခေါ်နေတယ် "
ဟူသော ဆရာဝန်လေး၏စကားကြောင့် ကျွန်တော် ရင်ထိတ်သွားကာ နားနေခန်းအတွင်းသို့ ဝင်လာခဲ့လိုက်သည် ။ ဆရာကြီးက ကျွန်တော့်ကိုမြင်သောအခါ ပြုံးပြပြီး
" မစ္စတာနိုအာ ... နာမည်ကြားဖူးပေမဲ့ လူကိုတော့အခုမှတွေ့ဖူးတယ် "
ဟု ပြောသည် ။ ပြီးမှ
" မင်းအဖေရော ... နေကောင်းရဲ့လား "
ဟု မေးသည် ။ ဖေဖေနှင့်ရွယ်တူ ဆရာဝန်ကြီးဖြစ်သောကြောင့် ကျွန်တော် ခါးကိုအနည်းငယ်ကိုင်း၍
" ကောင်းပါတယ် ဆရာကြီး ... အားတဲ့နေ့မှ သပ်သပ်လာတွေ့မယ်လို့မှာလိုက်ပါတယ် "
ဟု အဖြေပြန်ပေးလိုက်သည် ။ ကျွန်တော့်စကားအဆုံးတွင် ဆရာကြီးကပြုံး၍
" မင်းကအဖေနဲ့တူတာပဲ ... ဒါပေမဲ့ ဘာဖြစ်လို့ဆရာဝန်မလုပ်ချင်ရတာလဲ ဒီအထိတောင်ရောက်နေပြီကို "
ဟု ပြောသည် ။ ဆရာကြီး၏မေးခွန်းအတွက် ကျွန်တော့်တွင် အဖြေမရှိသောကြောင့် ရယ်သာပြလိုက်ရသည် ။ ဆရာကြီးက တိတ်ဆိတ်နေသောကျွန်တော့်ကိုကြည့်၍
" ဆေးလောကနဲ့တစ်နှစ်လောက်ဝေးသွားတော့ အခြေအနေဘယ်လိုလဲ "
ဟု ထပ်မေးသည် ။ ယခုတစ်ခါတွင်မူ ပြန်ဖြေမှကောင်းတော့မည်ဖြစ်သောကြောင့်
" တစ်ချို့တစ်လေကိုတော့ မလုပ်ဖူးတာရယ် .. လုပ်နေကျမဟုတ်တာရယ်ကြောင့် နည်းနည်းမေ့နေပါတယ် "
ဟု အဖြေပြန်ပေးလိုက်သည် ။
2.
" မနေ့က လုပ်ရမဲ့ဟာကိုမလုပ်ရဲလို့အခက်အခဲဖြစ်သွားသေးတယ်ဆို "
ဟု မေးလာသော ဆရာကြီး၏မေးခွန်းကြောင့် ကျွန်တော့်မျက်နှာတစ်ခုလုံး ရှက်စိတ်ဖြင့် နီရဲသွားရသည် ။ ဆရာကြီးက ငြိမ်နေသောကျွန်တော့်ကိုကြည့်၍
YOU ARE READING
My boyfriend is a doctor (10)
RomanceJust a romance fiction. Each chapter has both Unicode & Zawgyi. cover edit by @demon
