💜 My boyfriend is a doctor 💜 {ကျွန်တော့်ချစ်သူ ဒေါက်တာလေး}
Ch - 22
" ကိုကြီးနော် "
1.
နိုအာသတိရလာပြီဖြစ်ကြောင်း နိုအာ့အမေထံသို့ ဖုန်းဝင်လာသဖြင့် ကျွန်တော်တို့နှစ်ယောက်စလုံး နိုအာ့အခန်းဆီသို့ ပြန်ပြေးလာခဲ့ကြသည် ။ အခန်းထဲရောက်သောအခါ နိုအာက ကုတင်ပေါ်တွင် ငြိမ်သက်စွာလှဲနေသည် ။ လက်တွင် ဆေးပိုက်သွယ်တန်းထားသည်ကို တွေ့ရသဖြင့် စိုးရိမ်သွားကာ အနီးတွင်ရပ်နေသည့် နိုအာ့အမေ၏လူကို
" နိုအာ့အခြေအနေဘယ်လိုရှိလဲ "
ဟု မေးလိုက်သည် ။ ကျွန်တော့်မေးခွန်းကို နိုအာ့အမေ၏လူက
" ဆရာဝန်ပြန်လာပါလိမ့်မယ် ဒေါက်တာနေဘုန်းခန့် "
ဟု ဖြေသည် ။ ကျွန်တော် နောက်ထပ်စကားမဆိုရသေးခင်မှာပင် ဆရာဝန်က အခန်းထဲဝင်လာသဖြင့် စကားစပြတ်သွားသည် ။
2.
" သားရယ် ... မေမေဖြင့်ပြာသွားတာပဲ "
ဟု ပြောကာ စိတ်ပူနေသောမေမေ့ကိုပင် ကျွန်တော် ဂရုမစိုက်နိုင် ။ အလိုက်တသိဖြင့် အခန်းထဲမှ ထွက်သွားပေးသော ကိုကြီး၏ကျောပြင် မြင်ကွင်းထဲမှ ပျောက်ကွယ်သွားသည်အထိ ငေးကြည့်နေမိသည် ။ မေမေက
" ဘယ်လိုဖြစ်လို့ ရေနစ်ရတာလဲကွယ် ... သားဒီလေါက်ရေကြောက်တတ်တဲ့ဟာကို "
ဟု ထပ်ပြောသောအခါမှ အာရုံက မေမေ့ဆီပြန်ရောက်လာပြီး
" သားဘာမှမဖြစ်ပါဘူး မေမေရယ် ... ဒီအတိုင်း accident သေးသေးလေးတစ်ခုဖြစ်သွားတာပါ "
ဟူ၍ အပြုံးနှင့် ပြောလိုက်သည် ။
ကျွန်တော်က ဘာမှမဖြစ်ကြောင်း ပြောနေသော်လည်း စတန်လေက ဆရာဝန်ခေါ်၍ အခန်းထဲသို့ ပြန်ပင်ရောက်လာပြီဖြစ်သည် ။ မေမေက စတန်လေနှင့်အတူရပ်နေသော ဆရာဝန်ကိုကြည့်၍ ကျွန်တော့်အားပြုံးပြကာ
" သားကဘာမှမဖြစ်ဘူးပြောပေမဲ့ မေမေစိတ်မချလို့ ဒေါက်တာခေါ်ထားတယ် .. လိုလိုမယ်မယ် စစ်စရာရှိတာတွေ စစ်လိုက်ပါကွယ် "
YOU ARE READING
My boyfriend is a doctor (10)
RomanceJust a romance fiction. Each chapter has both Unicode & Zawgyi. cover edit by @demon