💜 My boyfriend is a doctor 💜 {ကျွန်တော့်ချစ်သူ ဒေါက်တာလေး}
Ch - 25
" ကိုကြီးက အိပ်နေတာတောင်ချစ်စရာကောင်းနေတာပဲ "
1.
ဖုန်းခေါ်ဆိုသူမှာ နိုအာ့အမေဖြစ်နေသောကြောင့် ခပ်သွက်သွက်ပင် ဖုန်းကိုကိုင်လိုက်ကာ
" ဟယ်လို အန်တီ ... ကျွန်တော်နေဘုန်းခန့်ပါ "
ဟု အရင်ပြောလိုက်သည် ။ ကျွန်တော့်စကားအဆုံးတွင် နိုအာ့အမေက
" မောင်ဘုန်းလား ... သားလေးအိပ်နေတုန်းလား ... သက်ရောသက်သာရဲ့လားကွယ် ... သူကရတယ်ပြောလို့သာ ထားခဲ့ရတာ ... စိတ်ကထင့်နေလို့ "
ဟု ပြောသည် ။ နိုအာ့အမေ၏စကားကြောင့် ကျွန်တော် နိုအာ့နဖူးပေါ် လက်တင်ကြည့်လိုက်သည် ။ မနေ့ညကထက် သိသိသာသာ အပူကျနေပြီဖြစ်သောကြောင့်
" နိုအာက အိပ်တုန်း အန်တီ ... အဖျားလည်းကျနေပါပြီ ... စိတ်မပူပါနဲ့ .... သူ့အနားမှာ ကျွန်တော်ရှိပါတယ် "
ဟု ပြောလိုက်သည် ။ ထိုအခါမှ နိုအာ့အမေက စိတ်အေးသွားဟန်ဖြင့်
" သားအနားမှာ မောင်ဘုန်းရှိလို့တော်သေးတာပေါ့ ... မဟုတ်ရင် အန်တီ အခုထက်ပိုပူရမှာ "
ဟု ပြောသည် ။ ပြီးမှ
" ဒါဆို အန်တီဖုန်းချလိုက်တော့မယ် ... ကျေးဇူးပြုပြီး သားနိုးလာမှ အန်တီ့ကိုဖုန်းပြန်ခေါ်ပေးဖို့ ပြောပေးပါလား "
ဟု ပြောသည် ။ ထို့ကြောင့် ကျွန်တော်
" ကောင်းပါပြီ အန်တီ ... စိတ်ချပါ "
ဟု ပြောလိုက်သည် ။
2.
ကျွန်တော် ဖုန်းချပြီးသောအခါမှ နိုအာက နိုးလာသည် ။ ထို့ကြောင့် ကျွန်တော် ဖုန်းကိုဗီရိုပေါ်တင်လိုက်ပြီး
" နိုးပြီလား ... မင်းအမေတောင် အခုပဲဖုန်းဆက်သေးတယ် "
ဟု ပြောလိုက်သည် ။ ကျွန်တော့်စကားအဆုံးတွင် နိုအာက
" မေမေကလည်း စောစောစီးစီး "
ဟု ခပ်တိုးတိုးရေရွတ်သည် ။ ပြီးမှ
YOU ARE READING
My boyfriend is a doctor (10)
RomanceJust a romance fiction. Each chapter has both Unicode & Zawgyi. cover edit by @demon